Zakariyaah 11
badon ko neecha kiya jaaegaa
1ai lubnaan, apnay darvaazon ko khol day taaki teray deodaar kay darakht nazar-ay-aatish ho jaaen.
2ai jooneepar kay darakhto, vaavaila karo! kyoonki deodaar kay darakht gir gaay hain, yah zabardast darakht tabaah ho gaay hain. ai basan kay balooto, aah-o-zaaree karo! jo jangal itna ghana tha ki koee us men say guzar na sakta tha usay kaata gaya hai.
3suno, charvaahay ro rahay hain, kyoonki un kee shaandaar charaagaahen barbaad ho gaee hain. suno, javaan sherbabar dahaad rahay hain, kyoonki vaadee-ay-yardan ka gunjaan jangal khatm ho gaya hai.
do qism kay gallaabaan
4rabb mera khuda mujh say hamkalaam hua, “zabah honay vaalee bhed-bakriyon kee gallaabaanee kar! 5jo unhen khareed letay vah unhen zabah kartay hain aur qusoorvaar naheen thahertay. aur jo unhen bechatay vah kahetay hain, ‘allaah kee hamd ho, main ameer ho gaya hoon!’ un kay apnay charvaahay un par taras naheen khaatay.
6is liyay rabb farmaata hai ki main bhee mulk kay baashindon par taras naheen khaaoonga. main har ek ko us kay padosee aur us kay baadshaah kay havaalay karoonga. vah mulk ko tukday tukday karengay, aur main unhen un kay haath say naheen chhudaaoonga.”
7chunaanchay main, zakariyaah nay saudaagaron kay liyay zabah honay vaalee bhed-bakriyon kee gallaabaanee kee. main nay us kaam kay liyay do laathiyaan leen. ek ka naam ‘meharbaanee’ aur doosree ka naam ‘yagaangat’ tha. un kay saath main nay revad kee gallaabaanee kee. 8ek hee maheenay men main nay teen gallaabaanon ko mita diya. lekin jald hee main bhed-bakriyon say tang a gaya, aur unhon nay mujhay bhee haqeer jaana.
9tab main bola, “aainda main tumhaaree gallaabaanee naheen karoonga. jisay marna hai vah maray, jisay zaaay hona hai vah zaaay ho jaaay. aur jo bach jaaen vah ek doosray ka gosht khaaen. main zimmaadaar naheen hoonga! [a] main zimmaadaar naheen hoonga izaafa hai taaki matlab saaf ho. ” 10main nay laathee banaam ‘meharbaanee’ ko tod kar zaahir kiya ki jo ahd main nay tamaam aqvaam kay saath baandha tha vah mansookh hai. 11usee din vah mansookh hua.
tab bhed-bakriyon kay jo saudaagar mujh par dhyaan day rahay thay unhon nay jaan liya ki yah paighaam rabb kee taraf say hai. 12phir main nay un say kaha, “agar yah aap ko munaasib lagay to mujhay mazdooree kay paisay day den, varna rahenay den.” unhon nay mazdooree kay liyay mujhay chaandee kay 30 sikkay day diay.
13tab rabb nay mujhay hukm diya, “ab yah raqam kumhaar [b] ya dhaat dhaalnay vaalay. kay saamnay phaink day. kitnee shaandaar raqam hai! yah meree itnee hee qadar kartay hain.” main nay chaandee kay 30 sikkay lay kar rabb kay ghar men kumhaar kay saamnay phaink diay. 14is kay baad main nay doosree laathee banaam ‘yagaangat’ ko tod kar zaahir kiya ki yahoodaah aur israaeel kee akhuvvat mansookh ho gaee hai.
15phir rabb nay mujhay bataaya, “ab dubaara gallaabaan ka saamaan lay lay. lekin is baar ahemaq charvaahay ka sa ravayya apna lay. 16kyoonki main mulk par aisa gallaabaan muqarrar karoonga jo na halaak honay vaalon kee dekh-bhaal karega, na chhoton ko talaash karega, na zakhmiyon ko shifa dega, na sehatmandon ko khuraak muhayya karega. is kay bajaay vah behtareen jaanvaron ka gosht kha lega balki itna zaalim hoga ki un kay khuron ko phaad kar todega. 17us bekaar charvaahay par afsos jo apnay revad ko chhod deta hai. talvaar us kay baazoo aur dahenee aankh ko zakhmee karay. us ka baazoo sookh jaaay aur us kee dahenee aankh andhee ho jaaay.”