Zakariyaah 1
tauba karo!
1faars kay baadshaah daara kee hukoomat kay doosray saal aur aathven maheene [a] aktoobar ta navambar. men rabb ka kalaam nabee zakariyaah bin barakiyaah bin iddoo par naazil hua,
2-3 “logon say kah ki rabb tumhaaray baapdaada say nihaayat hee naaraaz tha. ab rabb-ul-afwaaj farmaata hai ki meray paas vaapas aao to main bhee tumhaaray paas vaapas aaoonga. 4apnay baapdaada kee maanind na ho jinhon nay na meree sunee, na meree taraf tavajjuh dee, go main nay us vaqt kay nabiyon kee maarifat unhen aagaah kiya tha ki apnee buree raahon aur shareer harkaton say baaz aao. 5ab tumhaaray baapdaada kahaan hain? aur kya nabee abad tak zinda rahetay hain? donon bahut der huee vafaat pa chukay hain [b] donon . . .chukay hain izaafa hai taaki matlab saaf ho. . 6lekin tumhaaray baapdaada kay baaray men jitnee bhee baaten aur faislay main nay apnay khaadimon yaanee nabiyon kee maarifat farmaaay vah sab pooray huay. tab unhon nay tauba karkay iqraar kiya, ‘rab-ul-afwaaj nay hamaaree buree raahon aur harkaton kay sabab say vah kuchh kiya hai jo us nay karnay ko kaha tha’.”
zakariyaah roya dekhta hai
7teen maah kay baad rabb nay nabee zakariyaah bin barakiyaah bin iddoo par ek aur kalaam naazil kiya. sabaat yaanee 11ven maheenay ka 24vaan din [c] 15 farvree. tha.
pahelee roya : ghudsavaar
8us raat main nay roya men ek aadmee ko surkh rang kay ghoday par savaar dekha. vah ghaatee kay darmiyaan ugnay vaalee mehandee kee jhaadiyon kay beech men ruka hua tha. us kay peechhay surkh, bhooray aur safed rang kay ghoday khaday thay. un par bhee aadmee baithay the [d] un . . .baithay thay izaafa hai taaki matlab saaf ho. . 9jo farishta mujh say baat kar raha tha us say main nay poochha, “meray aaqa, in ghudasavaaron say kya muraad hai?” us nay javaab diya, “main tujhay un ka matlab dikhaata hoon.” 10tab mehandee kee jhaadiyon men rukay huay aadmee nay javaab diya, “yah vah hain jinhen rabb nay pooree duniya kee gasht karnay kay liyay bheja hai.” 11ab deegar ghudsavaar rabb kay us farishtay kay paas aaay jo mehandee kee jhaadiyon kay darmiyaan ruka hua tha. unhon nay ittila dee, “ham nay duniya kee gasht lagaaee to maaloom hua ki pooree duniya men amn-o-amaan hai.” 12tab rabb ka farishta bola, “ai rabb-ul-afwaaj, ab too 70 saalon say yarooshalam aur yahoodaah kee aabaadiyon say naaraaz raha hai. too kab tak un par rahem na karega?”
13javaab men rabb nay meray saath guftagu karnay vaalay farishtay say narm aur tasallee denay vaalee baaten keen. 14farishta dubaara mujh say mukhaatib hua, “elaan kar ki rabb-ul-afwaaj farmaata hai, ‘main badee ghairat say yarooshalam aur koh-ay-siyyoon kay liyay ladoonga. 15main un deegar aqvaam say nihaayat naaraaz hoon jo is vaqt apnay aap ko mahfooz samajhtee hain. beshak main apnee qaum say kuchh naaraaz tha, lekin in deegar qaumon nay usay hadd say ziyaada tabaah kar diya hai. yah kabhee bhee mera maqsad naheen tha.’ 16rabb farmaata hai, ‘ab main dubaara yarooshalam kee taraf maail ho kar us par rahem karoonga. mera ghar naay siray say us men taameer ho jaaega balki pooray shaher kee paimaaish kee jaaegee taaki usay dubaara taameer kiya jaaay.’ yah rabb-ul-afwaaj ka farmaan hai.
17mazeed elaan kar ki rabb-ul-afwaaj farmaata hai, ‘meray shaheron men dubaara kasrat ka maal paaya jaaega. rabb dubaara koh-ay-siyyoon ko tasallee dega, dubaara yarooshalam ko chun lega’.”
doosree roya : seeng aur kaareegar
18main nay apnee nigaah uthaaee to kya dekhta hoon ki chaar seeng meray saamnay hain. 19jo farishta mujh say baat kar raha tha us say main nay poochha, “in ka kya matlab hai?” us nay javaab diya, “yah vah seeng hain jinhon nay yahoodaah aur israaeel ko yarooshalam samet muntashir kar diya tha.”
20phir rabb nay mujhay chaar kaareegar dikhaaay. 21main nay savaal kiya, “yah kya karnay a rahay hain?” us nay javaab diya, “mazkoora seengon nay yahoodaah ko itnay zor say muntashir kar diya ki aakhirkaar ek bhee apna sar naheen utha saka. lekin ab yah kaareegar un men dahshat phailaanay aaay hain. yah un qaumon kay seengon ko khaak men mila dengay jinhon nay un say yahoodaah kay baashindon ko muntashir kar diya tha.”