Titus 2
sehatabakhsh taaleem
1lekin aap vah kuchh sunaaen jo sehatabakhsh taaleem say mutaabiqat rakhta hai. 2buzurg mardon ko bata dena ki vah hoshmand, shareef aur samajhdaar hon. un ka eemaan, muhabbat aur saabitqadmee sehatmand hon.
3isee tarah buzurg khavaateen ko hidaayat dena ki vah muqaddaseen kee see zindagee guzaaren. na vah tuhamat lagaaen na sharaab kee ghulaam hon. is kay bajaay vah achchhee taaleem denay kay laaiq hon 4taaki vah javaan aurton ko samajhdaar zindagee guzaarnay kee tarbiyat day saken, ki vah apnay shauharon aur bachchon say muhabbat rakhen, 5ki vah samajhdaar [a] yoonaanee lafz men zabt-ay-nafs ka unsur bhee paaya jaata hai. aur muqaddas hon, ki vah ghar kay faraaiz ada karnay men lagee rahen, ki vah nek hon, ki vah apnay shauharon kay taabay rahen. agar vah aisee zindagee guzaaren to vah doosron ko allaah kay kalaam par kufr baknay ka mauqa faraaham naheen karengee.
6eesee tarah javaan aadmiyon kee hausalaaafzaaee karen ki vah har lihaaz say samajhdaar zindagee guzaaren. 7aap khud nek kaam karnay men un kay liyay namoona banen. taaleem detay vaqt aap kee khuloosdilee, sharaafat 8aur alfaaz kee beilzaam sehat saaf nazar aaay. phir aap kay mukhaalif sharminda ho jaaengay, kyoonki vah hamaaray baaray men koee buree baat naheen kah sakengay.
9ghulaamon ko kah dena ki vah har lihaaz say apnay maalikon kay taabay rahen. vah unhen pasand aaen, bahs-mubaahasa kiay baghair un kee baat maanen 10aur un kee cheezen choree na karen balki saabit karen ki un par har tarah ka etimaad kiya ja sakta hai. kyoonki is tareeqay say vah hamaaray najaatadihanda allaah kay baaray men taaleem ko har tarah say dilkash bana dengay.
11kyoonki allaah ka najaatabakhsh fazl tamaam insaanon par zaahir hua hai. 12aur yah fazl hamen tarbiyat day kar is qaabil bana deta hai ki ham bedeenee aur duniyaavee khwaahishaat ka inkaar karkay is duniya men samajhdaar, raastbaaz aur khudaataras zindagee guzaar saken. 13saath saath yah tarbiyat us mubaarak din ka intizaar karnay men hamaaree madad kartee hai jis kee ummeed ham rakhtay hain aur jab hamaaray azeem khuda aur najaatadihanda eesa maseeh ka jalaal zaahir ho jaaega. 14kyoonki maseeh nay hamaaray liyay apnee jaan day dee taaki fidya day kar hamen har tarah kee bedeenee say chhuda kar apnay liyay ek paak aur makhsoos qaum banaaay jo nek kaam karnay men sargarm ho.
15in hee baaton kee taaleem day kar pooray ikhtiyaar kay saath logon ko samjhaaen aur un kee islaah karen. koee bhee aap ko haqeer na jaanay.