Ġazal-ul-Ġazlaat 7
1ai raees kee betee, jooton men chalnay ka tera andaaz kitna manamohan hai! teree khushvaza raanen maahir kaareegar kay zevraat kee maanind hain.
2teree naaf piyaala hai jo mai say kabhee naheen maheroom rahetee. tera jism gandum ka dher hai jis ka ihaata sosan kay phoolon say kiya gaya hai.
3teree chhaatiyaan ghazaal kay judvaan bachchon kee maanind hain.
4teree gardan haatheedaant ka meenaar, teree aankhen hasbon shaher kay taalaab hain, vah jo bat-rabbeem kay darvaazay kay paas hain. teree naak meenaar-ay-lubnaan kee maanind hai jis ka munh damishq kee taraf hai.
5tera sar koh-ay-karmil kee maanind hai, teray khulay baal arghavaan kee tarah qeemtee aur dilkash hain. baadshaah teree zulfon kee zanjeeron men jakda raheta hai.
mahbooba kay liyay aarzoo
6ai khushiyon say labrez muhabbat, too kitnee haseen, kitnee dilruba hai!
7tera qad-o-qaamat khajoor kay darakht sa, teree chhaatiyaan angoor kay guchchhon jaisee hain.
8main bola, “main khajoor kay darakht par chadh kar us kay phooldaar guchchhon [a] ibraanee lafz ka matlab mubham sa hai. par haath lagaaoonga.” teree chhaatiyaan angoor kay guchchhon kee maanind hon, teray saans kee khushboo sebon kee khushboo jaisee ho.
9tera munh behtareen mai ho, aisee mai jo seedhee meray mahboob kay munh men ja kar narmee say honton aur daanton men say guzar jaaay.
mahboob kay liyay aarzoo
10main apnay mahboob kee hee hoon, aur vah mujhay chaahata hai.
11a, meray mahboob, ham shaher say nikal kar deehaat men raat guzaaren.
12a, ham subah-saveray angoor kay baaghon men ja kar maaloom karen ki kya belon say komplen nikal aaee hain aur phool lagay hain, ki kya anaar kay darakht khil rahay hain. vahaan main tujh par apnee muhabbat ka izhaar karoongee.
13mardumagayaah [b] ek pauda jis kay baaray men socha jaata tha ki usay kha kar baanjh aurat bhee bachchay ko janm degee. kee khushboo phail rahee, aur hamaaray darvaazay par har qism ka lazeez phal hai, naee fasal ka bhee aur guzree ka bhee. kyoonki main nay yah cheezen teray liyay, apnay mahboob kay liyay mahfooz rakhee hain.