Ġazal-ul-Ġazlaat 5
1meree bahen, meree dulhan, ab main apnay baagh men daakhil ho gaya hoon. main nay apna mur apnay balsaan samet chun liya, apna chhatta shahed samet kha liya, apnee mai apnay doodh samet pee lee hai. khaao, meray dosto, khaao aur piyo, muhabbat say sarshaar ho jaao!
raat ko mahboob kee talaash
2main so rahee thee, lekin mera dil bedaar raha. sun! mera mahboob dastak day raha hai,
“ai meree bahen, meree saathee, meray liyay darvaaza khol day! ai meree kabootree, meree kaamil saathee, mera sar os say tar ho gaya hai, meree zulfen raat kee shabnam say bheeg gaee hain.”
3“main apna libaas utaar chukee hoon, ab main kis tarah usay dubaara pahen loon? main apnay paaon dho chukee hoon, ab main unhen kis tarah dubaara maila karoon?”
4meray mahboob nay apna haath deevaar kay sooraakh men say andar daal diya. tab mera dil tadap utha.
5main uthee taaki apnay mahboob kay liyay darvaaza kholoon. meray haath mur say, meree ungaliyaan mur kee khushboo say tapak rahee theen jab main kundee kholnay aaee.
6main nay apnay mahboob kay liyay darvaaza khol diya, lekin vah mud kar chala gaya tha. mujhay sakht sadma hua. main nay usay talaash kiya lekin na mila. main nay usay aavaaz dee, lekin javaab na mila.
7jo chaukeedaar shaher men gasht kartay hain un say mera vaasta pada, unhon nay meree pitaaee karkay mujhay zakhmee kar diya. faseel kay chaukeedaaron nay meree chaadar bhee chheen lee.
8ai yarooshalam kee betiyo, qasam khaao ki agar mera mahboob mila to usay ittila dogee, main muhabbat kay maaray beemaar ho gaee hoon.
9too jo aurton men sab say haseen hai, hamen bata, teray mahboob kee kya khaasiyat hai jo doosron men naheen hai? tera mahboob doosron say kis tarah sabqat rakhta hai ki too hamen aisee qasam khilaana chaahatee hai?
10meray mahboob kee jild gulaabee aur safed hai. hazaaron kay saath us ka muqaabla karo to us ka aala kirdaar numaayaan taur par nazar aaega.
11us ka sar khaalis sonay ka hai, us kay baal khajoor kay phooldaar guchchhon [a] ibraanee lafz ka matlab mubham sa hai. kee maanind aur kavvay kee tarah siyaah hain.
12us kee aankhen nadiyon kay kinaaray kay kabootaron kee maanind hain, jo doodh men nahelaaay aur kasrat kay paanee kay paas baithay hain.
13us kay gaal balsaan kee kyaaree kee maanind, us kay hont mur say tapaktay sosan kay phoolon jaisay hain.
14us kay baazoo sonay kee salaakhen hain jin men pukhraaj [b] topas jaday huay hain, us ka jism haatheedaant ka shaahakaar hai jis men sang-ay-laajvard [c] lapis lazuli kay patthar lagay hain.
15us kee raanen marmar kay satoon hain jo khaalis sonay kay paaiyon par lagay hain. us ka hulya lubnaan aur deodaar kay darakhton jaisa umda hai.
16us ka munh mithaas hee hai, gharaz vah har lihaaz say pasandeeda hai.
ay yarooshalam kee betiyo, yah hai mera mahboob, mera dost.