Ġazal-ul-Ġazlaat 2
too laasaanee hai
1main maidaan-ay-shaaroon ka phool aur vaadiyon kee sosan hoon.
2ladkiyon kay darmiyaan meree mahbooba kaantedaar paudon men sosan kee maanind hai.
3javaan aadmiyon men mera mahboob jangal men seb kay darakht kee maanind hai. main us kay saay men baithnay kee kitnee aarzoomand hoon, us ka phal mujhay kitna meetha lagta hai.
main ishq kay maaray beemaar ho gaee hoon
4vah mujhay maikde [a] maikday say muraad ghaaliban mahel ka vah hissa hai jis men baadshaah ziyaafat karta tha. men laaya hai, meray oopar us ka jhanda muhabbat hai.
5kishmish kee tikkiyon say mujhay tar-o-taaza karo, sebon say mujhay taqviyat do, kyoonki main ishq kay maaray beemaar ho gaee hoon.
6us ka baayaan baazoo meray sar kay neechay hota aur dahena baazoo mujhay galay lagaata hai.
7ai yarooshalam kee betiyo, ghazaalon aur khulay maidaan kee hirniyon kee qasam khaao ki jab tak muhabbat khud na chaahay tum usay na jagaaogee, na bedaar karogee.
bahaar a gaee hai
8suno, mera mahboob a raha hai. vah dekho, vah pahaadon par phalaangta aur teelon par say uchhalta koodta a raha hai.
9mera mahboob ghazaal ya javaan hiran kee maanind hai. ab vah hamaaray ghar kee deevaar kay saamnay ruk kar khidkiyon men say jhaank raha, janglay men say tak raha hai.
10vah mujh say kaheta hai, “ai meree khoobsoorat mahbooba, uth kar meray saath chal!
11dekh, sardiyon ka mausam guzar gaya hai, baarishen bhee khatm ho gaee hain.
12zameen say phool phoot niklay hain aur geet ka vaqt a gaya hai, kabootaron kee ghoon ghoon hamaaray mulk men sunaaee detee hai.
13anjeer kay darakhton par pahelee fasal ka phal pak raha hai, aur angoor kee belon kay phool khushboo phaila rahay hain. chunaanchay a meree haseen mahbooba, uth kar a ja!
14ai meree kabootree, chataan kee daraadon men chhupee na rah, pahaadee pattharon men posheeda na rah balki mujhay apnee shakl dikha, mujhay apnee aavaaz sunnay day, kyoonki teree aavaaz sheereen, teree shakl khoobsoorat hai.”
15hamaaray liyay lomdiyon ko pakad lo, un chhotee lomdiyon ko jo angoor kay baaghon ko tabaah kartee hain. kyoonki hamaaree belon say phool phoot niklay hain.
16mera mahboob mera hee hai, aur main usee kee hoon, usee kee jo sosnon men charta hai.
17ai meray mahboob, is say pahelay ki shaam kee hava chalay aur saay lambay ho kar faraar ho jaaen ghazaal ya javaan hiran kee tarah sangalaakh pahaadon ka rukh kar