Mukaashfa 21
naya aasmaan aur naee zameen
1phir main nay ek naya aasmaan aur ek naee zameen dekhee. kyoonki pahela aasmaan aur pahelee zameen khatm ho gaay thay aur samundar bhee nest tha. 2main nay naay yarooshalam ko bhee dekha. yah muqaddas shaher dulhan kee soorat men allaah kay paas say aasmaan par say utar raha tha. aur yah dulhan apnay doolhay kay liyay tayyaar aur sajee huee thee. 3main nay ek aavaaz sunee jis nay takht par say kaha, “ab allaah kee sukoonatgaah insaanon kay darmiyaan hai. vah un kay saath sukoonat karega aur vah us kee qaum hongay. allaah khud un ka khuda hoga. 4vah un kee aankhon say tamaam aansoo ponchh daalega. ab say na maut hogee na maatam, na rona hoga na dard, kyoonki jo bhee pahelay tha vah jaata raha hai.”
5jo takht par baitha tha us nay kaha, “main sab kuchh naay siray say bana raha hoon.” us nay yah bhee kaha, “yah likh day, kyoonki yah alfaaz qaabil-ay-etimaad aur sachchay hain.” 6phir us nay kaha, “kaam mukammal ho gaya hai! main alif aur yah, avval aur aakhir hoon. jo piyaasa hai usay main zindagee kay chashmay say muft paanee pilaaoonga. 7jo ghaalib aaega vah yah sab kuchh viraasat men paaega. main us ka khuda hoonga aur vah mera farzand hoga. 8lekin buzdilon, ghaireemaandaaron, ghinaunon, qaatilon, zinaakaaron, jaadoogaron, butparaston aur tamaam jhootay logon ka anjaam jaltee huee gandhak kee sholaakhez jheel hai. yah doosree maut hai.”
naya yarooshalam
9jin saat farishton kay paas saat aakhiree balaaon say bharay piyaalay thay un men say ek nay meray paas a kar kaha, “a, main tujhay dulhan yaanee lelay kee beevee dikhaaoon.” 10vah mujhay rooh men utha kar ek baday aur oonchay pahaad par lay gaya. vahaan say us nay mujhay muqaddas shaher yarooshalam dikhaaya jo allaah kee taraf say aasmaan par say utar raha tha. 11usay allaah ka jalaal haasil tha aur vah anmol jauhar balki billaur jaisay saaf-shaffaaf yashab kee tarah chamak raha tha. 12us kee badee aur oonchee faseel men baarah darvaazay thay, aur har darvaazay par ek farishta khada tha. darvaazon par israaeel kay baarah qabeelon kay naam likhay thay. 13teen darvaazay mashriq kee taraf thay, teen shimaal kee taraf, teen junoob kee taraf aur teen maghrib kee taraf. 14shaher kee faseel kee baarah bunyaaden theen jin par lelay kay baarah rasoolon kay naam likhay thay. 15jis farishtay nay mujh say baat kee thee us kay paas sonay ka gaz tha taaki shaher, us kay darvaazon aur us kee faseel kee paimaaish karay. 16shaher chaukor tha. us kee lambaaee utnee hee thee jitnee us kee chaudaaee. farishtay nay gaz say shaher kee paimaaish kee to pata chala ki us kee lambaaee, chaudaaee aur oonchaaee 2,400 kilomeetar hai. 17jab us nay faseel kee paimaaish kee to chaudaaee 60 meetar thee yaanee us paimaanay kay hisaab say jo vah istemaal kar raha tha. 18faseel yashab kee thee jabki shaher khaalis sonay ka tha, yaanee saaf-shaffaaf sheeshay jaisay sonay ka. 19shaher kee bunyaaden har qism kay qeemtee javaahir say sajee huee theen : pahelee yashab [a] jasper say, doosree sang-ay-laajvard [b] lapis lazuli say, teesree sang-ay-yamaanee [c] chahelachedonay say, chauthee zumurrad say, 20paanchveen sang-ay-sulemaanee [d] sardonyakh. yaanee sang-ay-sulemaanee kee ek qism jis men naaranjee aur safed aqeeq kay parat yakay baad deegray hotay hain. say, chhatee aqeeq-ay-ahmar [e] charanelian say, saatveen zabarjad [f] peridot say, aathveen aab-ay-baher [g] berayal say, navveen pukhraaj [h] topaz say, dasveen aqeeq-ay-sabaz [i] chaherayasoparase say, gyaaraveen neelay rang kay zarqon [j] yoonaanee lafz kuchh mubham sa hai. say aur baaraheveen yaaqoot-ay-arghvaanee [k] ametaheyasat say. 21baarah darvaazay baarah motee thay aur har darvaaza ek motee ka tha. shaher kee badee sadak khaalis sonay kee thee, yaanee saaf-shaffaaf sheeshay jaisay sonay kee.
22main nay shaher men allaah ka ghar na dekha, kyoonki rabb qaadir-ay-mutlaq khuda aur lela hee us ka maqdis hain. 23shaher ko sooraj ya chaand kee zaroorat naheen jo usay raushan karay, kyoonki allaah ka jalaal usay raushan kar deta hai aur lela us ka charaagh hai. 24qaumen us kee raushnee men chalengee, aur zameen kay baadshaah apnee shaan-o-shaukat us men laaengay. 25us kay darvaazay kisee bhee din band naheen hongay kyoonki vahaan kabhee bhee raat ka vaqt naheen aaega. 26qaumon kee shaan-o-shaukat us men laaee jaaegee. 27koee naapaak cheez us men daakhil naheen hogee, na vah jo ghinaunee harkaten karta aur jhoot bolta hai. sirf vah daakhil hongay jin kay naam lelay kee kitaab-ay-hayaat men darj hain.