Amsaal 30
ajoor kee kahaavaten
1zail men ajoor bin yaaqa kee kahaavaten hain. vah massa ka rahenay vaala tha. us nay farmaaya,
ai allaah, main thak gaya hoon, ai allaah, main thak gaya hoon, yah meray bas kee baat naheen rahee. 2yaqeenan main insaanon men sab say ziyaada naadaan hoon, mujhay insaan kee samajh haasil naheen. 3na main nay hikmat seekhee, na quddoos khuda kay baaray men ilm rakhta hoon.
4kaun aasmaan par chadh kar vaapas utar aaya? kis nay hava ko apnay haathon men jama kiya? kis nay gaheray paanee ko chaadar men lapet liya? kis nay zameen kee hudood ko apnee apnee jagah par qaaim kiya hai? us ka naam kya hai, us kay betay ka kya naam hai? agar tujhay maaloom ho to mujhay bata!
5allaah kee har baat aazmooda hai, jo us men panaah lay us kay liyay vah dhaal hai.
6us kee baaton men izaafa mat kar, varna vah tujhay daantega aur too jhoota thaherega.
7ai rabb, main tujh say do cheezen maangta hoon, meray marnay say pahelay in say inkaar na kar. 8pahelay, daroghagoee aur jhoot mujh say door rakh. doosray, na ghurbat na daulat mujhay day balki utnee hee rotee jitnee mera haq hai, 9aisa na ho ki main daulat kay baais ser ho kar tera inkaar karoon aur kahoon, “rabb kaun hai?” aisa bhee na ho ki main ghurbat kay baais choree karkay apnay khuda kay naam kee behuramtee karoon.
10maalik kay saamnay mulaazim par tuhamat na laga, aisa na ho ki vah tujh par laanat bhejay aur tujhay is ka bura nateeja bhugatna paday.
11aisee nasal bhee hai jo apnay baap par laanat kartee aur apnee maan ko barkat naheen detee.
12aisee nasal bhee hai jo apnee nazar men paak-saaf hai, go us kee ghilaazat door naheen huee.
13aisee nasal bhee hai jis kee aankhen baday takabbur say dekhtee hain, jo apnee palken baday ghamand say maartee hai.
14aisee nasal bhee hai jis kay daant talvaaren aur jabday chhuriyaan hain taaki duniya kay museebatazadon ko kha jaaen, muaasharay kay zarooratmandon ko hadap kar len.
15jonk kee do betiyaan hain, choosnay kay do aaza jo cheekhtay rahetay hain, “aur do, aur do”
teen cheezen hain jo kabhee ser naheen hoteen balki chaar hain jo kabhee naheen kaheteen, “ab bas karo, ab kaafee hai,” 16paataal, baanjh ka rahem, zameen jis kee piyaas kabhee naheen bujhtee aur aag jo kabhee naheen kahetee, “ab bas karo, ab kaafee hai.”
17jo aankh baap ka mazaaq udaaay aur maan kee hidaayat ko haqeer jaanay usay vaadee kay kavvay apnee chonchon say nikaalengay aur giddh kay bachchay kha jaaengay.
18teen baaten mujhay hairatzada kartee hain balki chaar hain jin kee mujhay samajh naheen aatee, 19aasmaan kee bulandiyon par uqaab kee raah, chataan par saamp kee raah, samundar kay beech men jahaaz kee raah aur vah raah jo mard kunvaaree kay saath chalta hai.
20zinaakaar aurat kee yah raah hai, vah kha letee aur phir apna munh ponchh kar kahetee hai, “mujh say koee ghaltee naheen huee.”
21zameen teen cheezon say laraz uthtee hai balki chaar cheezen bardaasht naheen kar saktee, 22vah ghulaam jo baadshaah ban jaaay, vah ahemaq jo jee bhar kar khaana kha sakay, 23vah nafarat’angez [a] lafzee tarjuma : jis say nafrat kee jaatee hai. aurat jis kee shaadee ho jaaay aur vah naukraanee jo apnee maalikan kee milkiyat par qabza karay.
24zameen kee chaar makhlooqaat nihaayat hee daanishmand hain haalaanki chhotee hain. 25chyoontiyaan kamzor nasal hain lekin garmiyon kay mausam men sardiyon kay liyay khuraak jama kartee hain, 26bijjoo kamzor nasal hain lekin chataanon men hee apnay ghar bana letay hain, 27tiddiyon ka baadshaah naheen hota taaham sab paray baandh kar nikaltee hain, 28chhipakaliyaan go haath say pakdee jaatee hain, taaham shaahee mahelon men paaee jaatee hain.
29teen balki chaar jaandaar purvaqaar andaaz men chaltay hain. 30pahelay, sherbabar jo jaanvaron men zoraavar hai aur kisee say bhee peechhay naheen hatta, 31doosray, murgha jo akad kar chalta hai, teesray, bakra aur chauthay apnee fauj kay saath chalnay vaala baadshaah.
32agar too nay maghroor ho kar hamaaqat kee ya buray mansoobay baandhay to apnay munh par haath rakh kar khaamosh ho ja, 33kyoonki doodh bilonay say makkhan, naak ko marodne [b] lafzee tarjuma : dabaao daalnay. say khoon aur kisee ko ghussa dilaanay say ladaaee-jhagda paida hota hai.