Amsaal 26
1ahemaq kee izzat karna utna hee ghairmauzoon hai jitna mausam-ay-garma men barf ya fasal kaattay vaqt baarish.
2bilaavajah bhejee huee laanat phadphadaatee chidiya ya udtee huee abaabeel kee tarah ojhal ho kar beasar rah jaatee hai.
3ghoday ko chhadee say, gadhay ko lagaam say aur ahemaq kee peeth ko laathee say tarbiyat day.
4jab ahemaq ahemaqaana baaten karay to usay javaab na day, varna too usee kay baraabar ho jaaega.
5jab ahemaq ahemaqaana baaten karay to usay javaab day, varna vah apnee nazar men daanishmand thaherega.
6jo ahemaq kay haath paighaam bhejay vah us kee maanind hai jo apnay paaon par kulhaadee maar kar apnay aap say ziyaadtee karta hai [a] lafzee tarjuma : ziyaadtee ka piyaala peeta hai. .
7ahemaq kay munh men hikmat kee baat maflooj kee beharkat lataktee taangon kee tarah bekaar hai.
8ahemaq ka ehatiraam karna ghulel kay saath patthar baandhnay kay baraabar hai.
9ahemaq kay munh men hikmat kee baat nashay men dhut sharaabee kay haath men kaantedaar jhaadee kee maanind hai.
10jo ahemaq ya har kisee guzarnay vaalay ko kaam par lagaaay vah sab ko zakhmee karnay vaalay teer’andaaz kee maanind hai.
11jo ahemaq apnee hamaaqat duharaaay vah apnee qai kay paas vaapas aanay vaalay kuttay kee maanind hai.
12kya koee dikhaaee deta hai jo apnay aap ko daanishmand samajhta hai? us kee nisbat ahemaq kay sudharnay kee ziyaada ummeed hai.
13kaahil kaheta hai, “raastay men sher hai, haan chaukon men sher phir raha hai!”
14jis tarah darvaaza qabzay par ghoomta hai usee tarah kaahil apnay bistar par karvaten badalta hai.
15jab kaahil apna haath khaanay kay bartan men daal day to vah itna sust hai ki usay munh tak vaapas naheen la sakta.
16kaahil apnee nazar men hikmat say javaab denay vaalay saat aadmiyon say kaheen ziyaada daanishmand hai.
17jo guzartay vaqt doosron kay jhagday men mudaakhalat karay vah us aadmee kee maanind hai jo kuttay ko kaanon say pakad lay.
18-19 jo apnay padosee ko fareb day kar baad men kahay, “main sirf mazaaq kar raha tha” vah us deevaanay kee maanind hai jo logon par jaltay huay aur muhalak teer barsaata hai.
20lakdee kay khatm honay par aag bujh jaatee hai, tuhamat lagaanay vaalay kay chalay jaanay par jhagda band ho jaata hai.
21angaaron men koilay aur aag men lakdee daal to aag bhadak uthegee. jhagdaaloo ko kaheen bhee khada kar to log mushtail ho jaaengay.
22tuhamat lagaanay vaalay kee baaten lazeez khaanay kay luqmon jaisee hain, vah dil kee tah tak utar jaatee hain.
23jalnay vaalay hont aur shareer dil mittee kay us bartan kee maanind hain jisay chamakdaar banaaya gaya ho.
24nafrat karnay vaala apnay honton say apna aslee roop chhupa leta hai, lekin us ka dil fareb say bhara raheta hai. 25jab vah meharbaan baaten karay to us par yaqeen na kar, kyoonki us kay dil men saat makrooh baaten hain. 26go us kee nafrat filahaal fareb say chhupee rahay, lekin ek din us ka ghalat kirdaar pooree jamaaat kay saamnay zaahir ho jaaega.
27jo doosron ko phansaanay kay liyay gadha khoday vah us men khud gir jaaega, jo patthar ludhka kar doosron par phainkna chaahay us par hee patthar vaapas ludhak aaega.
28jhootee zabaan un say nafrat kartee hai jinhen vah kuchal detee hai, khushaamad karnay vaala munh tabaahee macha deta hai.