Amsaal 18
1jo doosron say alag ho jaaay vah apnay zaatee maqaasid pooray karna chaahata aur samajh kee har baat par jhagadnay lagta hai.
2ahemaq samajh say lutf’andoz naheen hota balki sirf apnay dil kee baaten doosron par zaahir karnay say.
3jahaan bedeen aaay vahaan hiqaarat bhee a maujood hotee, aur jahaan rusvaaee ho vahaan taanaaznee bhee hotee hai.
4insaan kay alfaaz gahera paanee hain, hikmat ka sarchashma bahetee huee nadee hai.
5bedeen kee jaanibdaaree karkay raastbaaz ka haq maarna ghalat hai.
6ahemaq kay hont ladaaee-jhagda paida kartay hain, us ka munh zor say pitaaee ka mutaalba karta hai.
7ahemaq ka munh us kee tabaahee ka baais hai, us kay hont aisa phanda hain jis men us kee apnee jaan ulajh jaatee hai.
8tuhamat lagaanay vaalay kee baaten lazeez khaanay kay luqmon kee maanind hain, vah dil kee tah tak utar jaatee hain.
9jo apnay kaam men zara bhee dheela ho jaaay, usay yaad rahay ki dheelepan ka bhaaee tabaahee hai.
10rabb ka naam mazboot burj hai jis men raastbaaz bhaag kar mahfooz raheta hai.
11ameer samajhta hai ki meree daulat mera qil’aaband shaher aur meree oonchee chaardeevaaree hai jis men main mahfooz hoon.
12tabaah honay say pahelay insaan ka dil maghroor ho jaata hai, izzat milnay say pahelay laazim hai ki vah farotan ho jaaay.
13doosray kee baat sunnay say pahelay javaab dena hamaaqat hai. jo aisa karay us kee rusvaaee ho jaaegee.
14beemaar hotay vaqt insaan kee rooh jism kee parvarish kartee hai, lekin agar rooh shikasta ho to phir kaun us ko sahaara dega?
15samajhdaar ka dil ilm apnaata aur daanishmand ka kaan irfaan ka khoj lagaata raheta hai.
16tuhfa raasta khol kar denay vaalay ko badon tak pahuncha deta hai.
17jo adaalat men pahelay apna mauqif pesh karay vah us vaqt tak haq-ba-jaanib lagta hai jab tak doosra fareeq saamnay a kar us kee har baat kee tahqeeq na karay.
18qur’a daalnay say jhagday khatm ho jaatay aur badon ka ek doosray say ladnay ka khatra door ho jaata hai.
19jis bhaaee ko ek dafa maayoos kar diya jaaay usay dubaara jeet lena qil’aaband shaher par fatah paanay say ziyaada dushvaar hai. jhagday hal karna burj kay kunday todnay kee tarah mushkil hai.
20insaan apnay munh kay phal say ser ho jaaega, vah apnay honton kee paidaavaar ko jee bhar kar khaaega.
21zabaan ka zindagee aur maut par ikhtiyaar hai, jo usay piyaar karay vah us ka phal bhee khaaega.
22jisay beevee milee usay achchhee nemat milee, aur usay rabb kee manzooree haasil huee.
23ghareeb minnat kartay kartay apna muaamala pesh karta hai, lekin ameer ka javaab sakht hota hai.
24kaee dost tujhay tabaah kartay hain, lekin aisay bhee hain jo tujh say bhaaee say ziyaada liptay rahetay hain.