Amsaal 11
1rabb ghalat taraazoo say ghin khaata hai, vah saheeh taraazoo hee say khush hota hai.
2jahaan takabbur hai vahaan badnaamee bhee qareeb hee rahetee hai, lekin jo haleem hai us kay daaman men hikmat rahetee hai.
3seedhee raah par chalnay vaalon kee diyaanatdaaree un kee raahanumaaee kartee jabki bevafaaon kee namakaheraamee unhen tabaah kartee hai.
4ghazab kay din daulat ka koee faaida naheen jabki raastbaazee logon kee jaan ko chhudaatee hai.
5beilzaam kee raastbaazee us ka raasta hamvaar bana detee hai jabki bedeen kee buree harkaten usay gira detee hain.
6seedhee raah par chalnay vaalon kee raastbaazee unhen chhuda detee jabki bevafaaon ka laalach unhen phansa deta hai.
7dam todtay vaqt bedeen kee saaree ummeed jaatee rahetee hai, jis daulat kee tavaqqo us nay kee vah jaatee rahetee hai.
8raastbaaz kee jaan museebat say chhoot jaatee hai, aur us kee jagah bedeen phans jaata hai.
9kaafir apnay munh say apnay padosee ko tabaah karta hai, lekin raastbaazon ka ilm unhen chhudaata hai.
10jab raastbaaz kaamyaab hon to poora shaher jashn manaata hai, jab bedeen halaak hon to khushee kay naaray buland ho jaatay hain.
11seedhee raah par chalnay vaalon kee barkat say shaher taraqqee karta hai, lekin bedeen kay munh say vah mismaar ho jaata hai.
12naasamajh aadmee apnay padosee ko haqeer jaanta hai jabki samajhdaar aadmee khaamosh raheta hai.
13tuhamat lagaanay vaala doosron kay raaz faash karta hai, lekin qaabil-ay-etimaad shakhs vah bhed posheeda rakhta hai jo us kay sapurd kiya gaya ho.
14jahaan qiyaadat kee kamee hai vahaan qaum ka tanazzul yaqeenee hai, jahaan musheeron kee kasrat hai vahaan qaum fathayaab rahegee.
15jo ajnabee ka zaamin ho jaaay usay yaqeenan nuqsaan pahunchega, jo zaamin bannay say inkaar karay vah mahfooz rahega.
16nek aurat izzat say aur zaalim aadmee daulat say liptay rahetay hain.
17shafeeq ka achchha sulook usee kay liyay faaidaamand hai jabki zaalim ka bura sulook usee kay liyay nuqsaandih hai.
18jo kuchh bedeen kamaata hai vah farebdih hai, lekin jo raastee ka beej boay us ka ajr yaqeenee hai.
19raastbaazee ka phal zindagee hai jabki buraaee kay peechhay bhaagnay vaalay ka anjaam maut hai.
20rabb kajdilon say ghin khaata hai, vah beilzaam raah par chalnay vaalon hee say khush hota hai.
21yaqeen karo, badkaar saza say naheen bachega jabki raastbaazon kay farzand chhoot jaaengay.
22jis tarah sooar kee thoothnee men sonay ka chhalla khatkata hai usee tarah khoobsoorat aurat kee betameezee khatkatee hai.
23allaah raastbaazon kee aarzoo achchhee cheezon say pooree karta hai, lekin us ka ghazab bedeenon kee ummeed par naazil hota hai.
24ek aadmee kee daulat men izaafa hota hai, go vah fayyaazdilee say taqseem karta hai. doosray kee ghurbat men izaafa hota hai, go vah hadd say ziyaada kanjoos hai.
25fayyaazdil khushhaal rahega, jo doosron ko tar-o-taaza karay vah khud taazaadam rahega.
26log gandum kay zakheeraaandoz par laanat bhejtay hain, lekin jo gandum ko baazaar men aanay deta hai us kay sar par barkat aatee hai.
27jo bhalaaee kee talaash men rahay vah allaah kee manzooree chaahata hai, lekin jo buraaee kee talaash men rahay vah khud buraaee kay phanday men phans jaaega.
28jo apnee daulat par bharosa rakhay vah gir jaaega, lekin raastbaaz haray-bharay patton kee tarah phalen phoolengay.
29jo apnay ghar men gadbad paida karay vah meeraas men hava hee paaega. ahemaq daanishmand ka naukar banega.
30raastbaaz ka phal zindagee ka darakht hai, aur daanishmand aadmee jaanen jeetta hai.
31raastbaaz ko zameen par hee ajr milta hai. to phir bedeen aur gunaahgaar saza kyoon na paaen