Naahoom 3
neenva kee rusvaaee
1us qaatil shaher par afsos jo jhoot aur lootay huay maal say bhara hua hai. vah loot-maar say kabhee baaz naheen aata.
2suno! chaabuk kee aavaaz, chaltay huay rathon ka shor! ghoday sarpat daud rahay, rath bhaag bhaag kar uchhal rahay hain. 3ghudsavaar aagay badh rahay, sholaazan talvaaren aur chamaktay nezay nazar a rahay hain. har taraf maqtool hee maqtool, beshumaar laashon kay dher paday hain. itnee hain ki log thokar kha kha kar un par say guzartay hain. 4yah hoga neenva ka anjaam, us dilfareb kasbee aur jaadoogaranee ka jis nay apnee jaadoogree aur ismatafaroshee say aqvaam aur ummaton ko ghulaamee men bech daala.
5rabb-ul-afwaaj farmaata hai, “ai neenva betee, ab main tujh say nipat leta hoon. main tera libaas teray sar kay oopar uthaaoonga ki tera nangaapan aqvaam ko nazar aaay aur tera munh deegar mamaalik kay saamnay kaala ho jaaay. 6main tujh par kooda-karkat phaink kar teree tahqeer karoonga. too doosron kay liyay tamaasha ban jaaegee. 7tab sab tujhay dekh kar bhaag jaaengay. vah kahengay, ‘neenva tabaah ho gaee hai!’ ab us par afsos karnay vaala kaun raha? ab mujhay kahaan say log milengay jo tujhay tasallee den?”
8kya too theebas [a] Thebes. ibraanee matan men is ka mutraadif no-aamoon mustaamal hai. shaher say behatar hai, jo darya-ay-neel par vaaqay tha? vah to paanee say ghira hua tha, aur paanee hee usay hamlon say mahfooz rakhta tha. 9ethopiya aur misr kay faujee us kay liyay la-mahdood taaqat ka baais thay, foot aur libiya us kay ittihaadee thay. 10to bhee vah qaidee ban kar jilaavatan hua. har galee kay konay men us kay sheerakhwaar bachchon ko zameen par patakh diya gaya. us kay shurfa qur’a-andaazee kay zareeay taqseem huay, us kay tamaam buzurg zanjeeron men jakday gaay.
11ai neenva betee, too bhee nashay men dhut ho jaaegee. too bhee havaasabaakhta ho kar dushman say panaah lenay kee koshish karegee. 12teray tamaam qilaay pakay phal say laday huay anjeer kay darakht hain. jab unhen hilaaya jaaay to anjeer fauran khaanay vaalay kay munh men gir jaatay hain. 13lo, teray tamaam dastay aurten ban gaay hain. teray mulk kay darvaazay dushman kay liyay pooray taur par kholay gaay, teray kunday nazar-ay-aatish ho gaay hain.
14khoob paanee jama kar taaki muhaasaray kay dauraan kaafee ho. apnee qil’aabandee mazeed mazboot kar! gaaray ko paaon say lataad lataad kar eenten bana lay! 15taaham aag tujhay bhasm karegee, talvaar tujhay maar daalegee, haan vah tujhay tiddiyon kee tarah kha jaaegee. bachnay ka koee imkaan naheen hoga, khwaah too tiddiyon kee tarah beshumaar kyoon na ho jaaay. 16beshak teray taajir sitaaron jitnay laataadaad ho gaay hain, lekin achaanak vah tiddiyon kay bachchon kee tarah apnee kenchlee ko utaar lengay aur ud kar ghaaib ho jaaengay. 17teray darbaaree tiddiyon jaisay aur teray afsar tiddee dalon kee maanind hain jo sardiyon kay mausam men deevaaron kay saath chipak jaatee lekin dhoop nikaltay hee ud kar ojhal ho jaatee hain. kisee ko bhee pata naheen ki vah kahaan chalee gaee hain.
18ai asoor kay baadshaah, teray charvaahay gaheree neend so rahay, teray shurfa aaraam kar rahay hain. teree qaum pahaadon par muntashir ho gaee hai, aur koee naheen jo unhen dubaara jama karay. 19teree chot bhar hee naheen saktee, tera zakhm laailaaj hai. jisay bhee teray anjaam kee khabar milay vah taalee bajaayga. kyoonki sab ko tera musalsal zulm-o-tashaddud bardaasht karna pada.