Mattee 23
ulma aur fareesiyon say khabardaar
1phir eesa hujoom aur apnay shaagirdon say mukhaatib hua, 2“shareeat kay ulma aur fareesee moosa kee kursee par baithay hain. 3chunaanchay jo kuchh vah tum ko bataatay hain vah karo aur us kay mutaabiq zindagee guzaaro. lekin jo kuchh vah kartay hain vah na karo, kyoonki vah khud apnee taaleem kay mutaabiq zindagee naheen guzaartay. 4vah bhaaree gathdiyaan baandh baandh kar logon kay kandhon par rakh detay hain, lekin khud unhen uthaanay kay liyay ek unglee tak hilaanay ko tayyaar naheen hotay. 5jo bhee kartay hain dikhaavay kay liyay kartay hain. jo taaveez [a] taaveezon men tauret kay havaalaajaat likh kar rakhay jaatay thay. vah apnay baazooon aur peshaaniyon par baandhtay aur jo phundanay apnay libaas say lagaatay hain vah khaas baday hotay hain. 6un kee bas ek hee khwaahish hotee hai ki ziyaafaton aur ibaadatkhaanon men izzat kee kursiyon par baith jaaen. 7jab log baazaaron men salaam karkay un kee izzat kartay aur ‘ustaad’ kah kar un say baat kartay hain to phir vah khush ho jaatay hain. 8lekin tum ko ustaad naheen kahelaana chaahiay, kyoonki tumhaara sirf ek hee ustaad hai jabki tum sab bhaaee ho. 9aur duniya men kisee ko ‘baap’ kah kar us say baat na karo, kyoonki tumhaara ek hee baap hai aur vah aasmaan par hai. 10haadee na kahelaana kyoonki tumhaara sirf ek hee haadee hai yaanee al-maseeh. 11tum men say sab say bada shakhs tumhaara khaadim hoga. 12kyoonki jo bhee apnay aap ko sarfaraaz karega usay past kiya jaaega aur jo apnay aap ko past karega usay sarfaraaz kiya jaaega.
un kee riyaakaaree par afsos
13shareeat kay aalimo aur fareesiyo, tum par afsos! riyaakaaro! tum logon kay saamnay aasmaan kee baadshaahee par taala lagaatay ho. na tum khud daakhil hotay ho, na unhen daakhil honay detay ho jo andar jaana chaahatay hain.
14[shareeat kay aalimo aur fareesiyo, tum par afsos! riyaakaaro! tum bevaaon kay gharon par qabza kar letay aur dikhaavay kay liyay lambee lambee namaaz padhtay ho. is liyay tumhen ziyaada saza milegee.]
15shareeat kay aalimo aur fareesiyo, tum par afsos! riyaakaaro! tum ek naumureed banaanay kee khaatir khushkee aur tareekay lambay safar kartay ho. aur jab is men kaamyaab ho jaatay ho to tum us shakhs ko apnee nisbat jahennum ka dugna shareer farzand bana detay ho. 16andhay raahanumaao, tum par afsos! tum kahetay ho, ‘agar koee bait-ul-muqaddas kee qasam khaaay to zarooree naheen ki vah usay poora karay. lekin agar vah bait-ul-muqaddas kay sonay kee qasam khaaay to laazim hai ki usay poora karay.’ 17andhay ahemqo! ziyaada ahem kiya hai, sona ya bait-ul-muqaddas jo sonay ko makhsoos-o-muqaddas banaata hai? 18tum yah bhee kahetay ho, ‘agar koee qurbaangaah kee qasam khaaay to zarooree naheen ki vah usay poora karay. lekin agar vah qurbaangaah par paday hadiay kee qasam khaaay to laazim hai ki vah usay poora karay.’ 19andho! ziyaada ahem kiya hai, hadiya ya qurbaangaah jo hadiay ko makhsoos-o-muqaddas banaatee hai? 20gharaz, jo qurbaangaah kee qasam khaata hai vah un tamaam cheezon kee qasam bhee khaata hai jo us par padee hain. 21aur jo bait-ul-muqaddas kee qasam khaata hai vah us kee bhee qasam khaata hai jo us men sukoonat karta hai. 22aur jo aasmaan kee qasam khaata hai vah allaah kay takht kee aur us par baithnay vaalay kee qasam bhee khaata hai.
23shareeat kay aalimo aur fareesiyo, tum par afsos! riyaakaaro! go tum badee ehatiyaat say paudeenay, ajavaain aur zeray ka dasvaan hissa hadiay kay liyay makhsoos kartay ho, lekin tum nay shareeat kee ziyaada ahem baaton ko nazar’andaaz kar diya hai yaanee insaaf, rahem aur vafaadaaree ko. laazim hai ki tum yah kaam bhee karo aur pahela bhee na chhodo. 24andhay raahanumaao! tum apnay mashroob chhaantay ho taaki ghaltee say machchhar na pee liya jaaay, lekin saath saath oont ko nigal letay ho.
25shareeat kay aalimo aur fareesiyo, tum par afsos! riyaakaaro! tum baahar say har piyaalay aur bartan kee safaaee kartay ho, lekin andar say vah loot-maar aur aishparastee say bharay hotay hain. 26andhay fareesiyo, pahelay andar say piyaalay aur bartan kee safaaee karo, aur phir vah baahar say bhee paak-saaf ho jaaengay.
27shareeat kay aalimo aur fareesiyo, tum par afsos! riyaakaaro! tum aisee qabron say mutaabiqat rakhtay ho jin par saphedee kee gaee ho. go vah baahar say dilkash nazar aatee hain, lekin andar say vah murdon kee haddiyon aur har qism kee naapaakee say bharee hotee hain. 28tum bhee baahar say raastbaaz dikhaaee detay ho jabki andar say tum riyaakaaree aur bedeenee say maamoor hotay ho.
29shareeat kay aalimo aur fareesiyo, tum par afsos! riyaakaaro! tum nabiyon kay liyay qabren taameer kartay aur raastbaazon kay mazaar sajaatay ho. 30aur tum kahetay ho, ‘agar ham apnay baapdaada kay zamaanay men zinda hotay to nabiyon ko qatl karnay men shareek na hotay.’ 31lekin yah kahenay say tum apnay khilaaf gavaahee detay ho ki tum nabiyon kay qaatilon kee aulaad ho. 32ab jaao, vah kaam mukammal karo jo tumhaaray baapdaada nay adhoora chhod diya tha. 33saampo, zahereelay saampon kay bachcho! tum kis tarah jahennum kee saza say bach paaogay? 34is liyay main nabiyon, daanishmandon aur shareeat kay aalimon ko tumhaaray paas bhej deta hoon. un men say baaz ko tum qatl aur masloob karogay aur baaz ko apnay ibaadatkhaanon men lay ja kar koday lagavaaogay aur shaher-ba-shaher un ka taaqqub karogay. 35nateejay men tum tamaam raastbaazon kay qatl kay zimmaadaar thaherogay - raastbaaz haabeel kay qatl say lay kar zakariyaah bin barakiyaah kay qatl tak jisay tum nay bait-ul-muqaddas kay darvaazay aur us kay sahen men maujood qurbaangaah kay darmiyaan maar daala. 36main tum ko sachch bataata hoon ki yah sab kuchh isee nasal par aaega.
yarooshalam par afsos
37haay yarooshalam, yarooshalam! too jo nabiyon ko qatl kartee aur apnay paas bhejay huay paighambaron ko sangasaar kartee hai. main nay kitnee hee baar teree aulaad ko jama karna chaaha, bilkul usee tarah jis tarah murghee apnay bachchon ko apnay paron talay jama karkay mahfooz kar letee hai. lekin tum nay na chaaha. 38ab tumhaaray ghar ko veeraan-o-sunsaan chhoda jaaega. 39kyoonki main tum ko bataata hoon, tum mujhay us vaqt tak dubaara naheen dekhogay jab tak tum na kaho ki mubaarak hai vah jo rabb kay naam say aata hai.”