Mattee 1
eesa maseeh ka nasabnaamaa
1eesa maseeh bin daaood bin ibraaheem ka nasabnaama :
2ibraaheem ishaaq ka baap tha, ishaaq yaaqoob ka baap aur yaaqoob yahooda aur us kay bhaaiyon ka baap. 3yahooda kay do betay faaras aur zaarah thay (un kee maan tamar thee). faaras hasron ka baap aur hasron raam ka baap tha. 4raam ammeenadaab ka baap, ammeenadaab nahson ka baap aur nahson salmon ka baap tha. 5salmon boaz ka baap tha (boaz kee maan raahab thee). boaz obed ka baap tha (obed kee maan root thee). obed yassee ka baap aur 6yassee daaood baadshaah ka baap tha.
daaood sulaimaan ka baap tha (sulaimaan kee maan pahelay ooriyyaah kee beevee thee). 7sulaimaan rahubiaam ka baap, rahubiaam abiyaah ka baap aur abiyaah aasa ka baap tha. 8aasa yahoosafat ka baap, yahoosafat yooraam ka baap aur yooraam uzziyaah ka baap tha. 9uzziyaah yootaam ka baap, yootaam aakhaz ka baap aur aakhaz hizaqiyaah ka baap tha. 10hizaqiyaah manassee ka baap, manassee amoon ka baap aur amoon yoosiyaah ka baap tha. 11yoosiyaah yahooyaakeen [a] yoonaanee men yahooyaakeen ka mutraadif yakooniyaah mustaamal hai. aur us kay bhaaiyon ka baap tha (yah baabal kee jilaavatanee kay dauraan paida huay).
12baabal kee jilaavatanee kay baad yahooyaakeen [b] ibraanee men yahooyaakeen ka mutraadif yakooniyaah mustaamal hai. siyaalteeel ka baap aur siyaalteeel zarubbaabal ka baap tha. 13zarubbaabal abeehood ka baap, abeehood iliyaaqeem ka baap aur iliyaaqeem aazor ka baap tha. 14aazor sadoq ka baap, sadoq akheem ka baap aur akheem ileehood ka baap tha. 15ileehood ileeazar ka baap, aleeazar mattaan ka baap aur mattaan ka baap yaaqoob tha. 16yaaqoob mariyam kay shauhar yoosuf ka baap tha. is mariyam say eesa paida hua, jo maseeh kahelaata hai.
17yoon ibraaheem say daaood tak 14 naslen hain, daaood say baabal kee jilaavatanee tak 14 naslen hain aur jilaavatanee say maseeh tak 14 naslen hain
eesa maseeh kee paidaaish
18eesa maseeh kee paidaaish yoon huee : us vaqt us kee maan mariyam kee mangnee yoosuf kay saath ho chukee thee ki vah rooh-ul-quds say haamila paaee gaee. abhee un kee shaadee naheen huee thee. 19us ka mangetar yoosuf raastbaaz tha, vah alaaniya mariyam ko badnaam naheen karna chaahata tha. is liyay us nay khaamoshee say yah rishta todnay ka iraada kar liya. 20vah is baat par abhee ghaur-o-fikr kar hee raha tha ki rabb ka farishta khwaab men us par zaahir hua aur farmaaya, “yoosuf bin daaood, mariyam say shaadee karkay usay apnay ghar lay aanay say mat dar, kyoonki paida honay vaala bachcha rooh-ul-quds say hai. 21us kay beta hoga aur us ka naam eesa rakhna, kyoonki vah apnee qaum ko us kay gunaahon say rihaaee dega.”
22yah sab kuchh is liyay hua taaki rabb kee vah baat pooree ho jaaay jo us nay apnay nabee kee maarifat farmaaee thee, 23“dekho ek kunvaaree haamila hogee. us say beta paida hoga aur log us ka naam immaanooel rakhengay.” (immaanooel ka matlab ‘khuda hamaaray saath’ hai.)
24jab yoosuf jaag utha to us nay rabb kay farishtay kay farmaan kay mutaabiq mariyam say shaadee kar lee aur usay apnay ghar lay gaya. 25lekin jab tak us kay beta paida na hua vah mariyam say hambistar na hua. aur yoosuf nay bachchay ka naam eesa rakha.