Yarmiyaah 22
shaahee mahel nazar-ay-aatish ho jaaegaa
1rabb nay farmaaya, “shaah-ay-yahoodaah kay mahel kay paas ja kar mera yah kalaam suna, 2‘ai yahoodaah kay baadshaah, rabb ka farmaan sun! ai too jo daaood kay takht par baitha hai, apnay mulaazimon aur mahel kay darvaazon men aanay vaalay logon samet meree baat par ghaur kar! 3rabb farmaata hai ki insaaf aur raastee qaaim rakho. jisay loot liya gaya hai usay zaalim kay haath say chhudaao. pardesee, yateem aur beva ko mat dabaana, na un say ziyaadtee karna, aur is jagah bequsoor logon kee khoonrezee mat karna. 4agar tum ehatiyaat say is par amal karo to aainda bhee daaood kee nasal kay baadshaah apnay afsaron aur r’aaya kay saath rathon aur ghodon par savaar ho kar is mahel men daakhil hongay. 5lekin agar tum meree in baaton kee na suno to meray naam kee qasam! yah mahel malbay ka dher ban jaaega. yah rabb ka farmaan hai.
6kyoonki rabb shaah-ay-yahoodaah kay mahel kay baaray men farmaata hai ki too jiliaad jaisa khushgavaar aur lubnaan kee chotee jaisa khoobsoorat tha. lekin ab main tujhay biyaabaan men badal doonga, too ghair’aabaad shaher kee maanind ho jaaega. 7main aadmiyon ko tujhay tabaah karnay kay liyay makhsoos karkay har ek ko hathiyaar say les karoonga, aur vah deodaar kay teray umda shaheteeron ko kaat kar aag men jhonk dengay. 8tab mut’addid qaumon kay afraad yahaan say guzar kar poochhengay ki rabb nay is jaisay baday shaher kay saath aisa sulook kyoon kiya? 9unhen javaab diya jaaega, vajah yah hai ki inhon nay rabb apnay khuda ka ahd tark karkay ajnabee maaboodon kee pooja aur khidmat kee hai’.”
yahooaakhaz baadshaah vaapas naheen aaegaa
10is liyay girya-o-zaaree na karo ki yoosiyaah baadshaah kooch kar gaya hai balki us par maatam karo jisay jilaavatan kiya gaya hai, kyoonki vah kabhee vaapas naheen aaega, kabhee apna vatan dubaara naheen dekhega.
11kyoonki rabb yoosiyaah kay betay aur jaansheen salloom yaanee yahooaakhaz kay baaray men farmaata hai, “yahooaakhaz yahaan say chala gaya hai aur kabhee vaapas naheen aaega. 12jahaan usay giriftaar karkay pahunchaaya gaya hai vaheen vah vafaat paaega. vah yah mulk dubaara kabhee naheen dekhega.
yahooyaqeem par ilzaam
13yahooyaqeem baadshaah par afsos jo naajaaiz tareeqay say apna ghar taameer kar raha hai, jo naainsaafee say us kee doosree manzil bana raha hai. kyoonki vah apnay hamvatanon ko muft men kaam karnay par majboor kar raha hai aur unhen un kee mehanat ka muaavaza naheen day raha. 14vah kaheta hai, ‘main apnay liyay kushaada mahel banva loonga jis kee doosree manzil par baday baday kamray hongay. main ghar men badee khidkiyaan banva kar deevaaron ko deodaar kee lakdee say dhaamp doonga. is kay baad main usay surkh rang say aaraasta karoonga.’ 15kya deodaar kee shaandaar imaaraten banvaanay say yah saabit hota hai ki too baadshaah hai? hargiz naheen! teray baap ko bhee khaanay-peenay kee har cheez muyassar thee, lekin us nay is ka khayaal kiya ki insaaf aur raastee qaaim rahay. nateejay men usay barkat milee. 16us nay tavajjuh dee ki ghareebon aur zarooratmandon ka haq maara na jaaay, isee liyay usay kaamyaabee haasil huee.” rabb farmaata hai, “jo isee tarah zindagee guzaaray vahee mujhay saheeh taur par jaanta hai. 17lekin too farq hai. teree aankhen aur dil naajaaiz nafa kamaanay par tulay rahetay hain. na too bequsoor ko qatl karnay say, na zulm karnay ya jabran kuchh lenay say jhijakta hai.”
18chunaanchay rabb yahoodaah kay baadshaah yahooyaqeem bin yoosiyaah kay baaray men farmaata hai, “log us par maatam naheen karengay ki ‘haay meray bhaaee, haaay meree bahen,’ na vah ro kar kahengay, ‘haay, meray aaqa! haay, us kee shaan jaatee rahee hai.’ 19is kay bajaay usay gadhay kee tarah dafnaaya jaaega. log usay ghaseet kar baahar yarooshalam kay darvaazon say kaheen door phaink dengay.
yahooyaakeen baadshaah ko dushman kay havaalay kiya jaaegaa
20ai yarooshalam, lubnaan par chadh kar zaar-o-qataar ro! basan kee bulandiyon par ja kar cheekhen maar! abaareem kay pahaadon kee chotiyon par aah-o-zaaree kar! kyoonki teray tamaam aashiq [a] aashiq say muraad yahoodaah kay ittihaadee hain. paash paash ho gaay hain. 21main nay tujhay us vaqt aagaah kiya tha jab too sukoon say zindagee guzaar rahee thee, lekin too nay kaha, ‘main naheen sunoongee.’ teree javaanee say hee tera yahee ravayya raha. us vaqt say lay kar aaj tak too nay meree naheen sunee. 22teray tamaam gallaabaanon ko aandhee uda lay jaaegee, aur teray aashiq jilaavatan ho jaaengay. tab too apnee buree harkaton kay baais sharminda ho jaaegee, kyoonki teree khoob rusvaaee ho jaaegee. 23beshak is vaqt too lubnaan men rahetee hai aur tera basera deodaar kay darakhton men hai. lekin jald hee too aahen bhar bhar kar dard-ay-zah men mubtala ho jaaegee, too janm denay vaalee aurat kee tarah pech-o-taab khaaegee.”
24rabb farmaata hai, “ai yahoodaah kay baadshaah yahooyaakeen bin yahooyaqeem, meree hayaat kee qasam! khwaah too meray dahenay haath kee muhardaar angoothee kyoon na hota to bhee main tujhay utaar kar phaink deta. [b] ibraanee men yahooyaakeen ka mutraadif kooniyaah mustaamal hai. 25main tujhay us jaanee dushman kay havaalay karoonga jis say too darta hai yaanee baabal kay baadshaah nabookadnazzar aur us kee qaum kay havaalay. 26main tujhay teree maan samet ek ajnabee mulk men phaink doonga. jahaan tum paida naheen huay vaheen vafaat paaogay. 27tum vatan men vaapas aanay kay shadeed aarzoomand hogay lekin us men kabhee naheen lautogay.”
28log etiraaz kartay hain, “kya yah aadmee yahooyaakeen [c] ibraanee men yahooyaakeen ka mutraadif kooniyaah mustaamal hai. vaaqaee aisa haqeer aur toota-phoota bartan hai jo kisee ko bhee pasand naheen aata? usay apnay bachchon samet kyoon zor say nikaal kar kisee naamaaloom mulk men phaink diya jaaega?”
29ai mulk, ai mulk, ai mulk! rabb ka paighaam sun! 30rabb farmaata hai, “rajistar men darj karo ki yah aadmee beaulaad hai, ki yah umr bhar naakaam rahega. kyoonki us kay bachchon men say koee daaood kay takht par baith kar yahoodaah kee hukoomat karnay men kaamyaab naheen hoga.”