Yashaayaah 16
moaab israaeeliyon say madad maangegaa
1mulk ka jo hukmaraan registaan kay paar sila men hai us kee taraf say siyyoon betee kay pahaad par mendha bhej do. 2moaab kee betiyaan ghonslay say bhagaaay huay parindon kee tarah darya-ay-arnon kay paayaab maqaamon par idhar udhar phadaphda rahee hain. 3“hamen koee mashvra day, koee faisla pesh kar. ham par saaya daal taaki dopaher kee taptee dhoop ham par na paday balki raat jaisa andhera ho. mafrooron ko chhupa day, dushman ko panaahaguzeenon kay baaray men ittila na day. 4moaabee muhaajiron ko apnay paas thahernay day, moaabee mafrooron kay liyay panaahgaah ho taaki vah halaakoo kay haath say bach jaaen.”
lekin zaalim ka anjaam aanay vaala hai. tabaahee ka silsila khatm ho jaaega, aur kuchalnay vaala mulk say ghaaib ho jaaega. 5tab allaah apnay fazl say daaood kay gharaanay kay liyay takht qaaim karega. aur jo us par baithega vah vafaadaaree say hukoomat karega. vah insaaf ka taalib rah kar adaalat karega aur raastee qaaim rakhnay men maahir hoga.
moaab kee munaasib saza par afsos
6ham nay moaab kay takabbur kay baaray men suna hai, kyoonki vah hadd say ziyaada mutakabbir, maghroor, ghamandee aur shokhachasham hai. lekin us kee deengen abas hain.
7is liyay moaabee apnay aap par aah-o-zaaree kar rahay, sab mil kar aahen bhar rahay hain. vah sisak sisak kar qeer-haraasat kee kishmish kee tikkiyaan yaad kar rahay hain, un ka nihaayat bura haal ho gaya hai. 8hasbon kay baagh murjha gaay, sibmaah kay angoor khatm ho gaay hain. pahelay to un kee anokhee belen yaazer balki registaan tak phailee huee theen, un kee komplen samundar ko bhee paar kartee theen. lekin ab ghairqaum hukmaraanon nay yah umda belen tod daalee hain. 9is liyay main yaazer kay saath mil kar sibmaah kay angooron kay liyay aah-o-zaaree kar raha hoon. ai hasbon, ai ileeaalee, tumhaaree haalat dekh kar meray behad aansoo bah rahay hain. kyoonki jab tumhaara phal pak gaya aur tumhaaree fasal tayyaar huee tab jang kay naaray tumhaaray ilaaqay men goonj uthay. 10ab khushee-o-shaadmaanee baaghon say ghaaib ho gaee hai, angoor kay baaghon men geet aur khushee kay naaray band ho gaay hain. koee naheen raha jo hauzon men angoor ko raund kar ras nikaalay, kyoonki main nay fasal kee khushiyaan khatm kar dee hain.
11mera dil sarod kay maatmee sur nikaal kar moaab kay liyay noha kar raha hai, meree jaan qeer-haraasat kay liyay aahen bhar rahee hai. 12jab moaab apnee pahaadee qurbaangaah kay saamnay haazir ho kar sijda karta hai to bekaar mehanat karta hai. jab vah pooja karnay kay liyay apnay mandir men daakhil hota hai to faaida koee naheen hota.
13rabb nay maazee men in baaton ka elaan kiya. 14lekin ab vah mazeed farmaata hai, “teen saal kay andar andar [a] lafzee tarjuma : mazdoor kay say teen saal kay andar andar. moaab kee tamaam shaan-o-shaukat aur dhoomdhaam jaatee rahegee. jo thoday bahut bachengay, vah nihaayat hee kam hongay.”