Yashaayaah 12
bachay huon kee hamd-o-sanaa
1us din tum geet gaaogay,
“ai rabb, main teree sitaaish karoonga! yaqeenan too mujh say naaraaz tha, lekin ab tera ghazab mujh par say door ho jaaay aur too mujhay tasallee day.
2allaah meree najaat hai. us par bharosa rakh kar main dahshat naheen khaaoonga. kyoonki rabb khuda meree quvvat aur mera geet hai, vah meree najaat ban gaya hai.”
3tum shaadmaanee say najaat kay chashmon say paanee bharogay.
4us din tum kahogay, “rabb kee sitaaish karo! us ka naam lay kar usay pukaaro! jo kuchh us nay kiya hai duniya ko bataao, us kay naam kee azmat ka elaan karo.
5rabb kee tamjeed ka geet gaao, kyoonki us nay zabardast kaam kiya hai, aur is ka ilm pooree duniya tak pahunchay.
6ai yarooshalam kee rahenay vaalee, shaadiyaana baja kar khushee kay naaray laga! kyoonki israaeel ka quddoos azeem hai, aur vah teray darmiyaan hee sukoonat karta hai.