Habakkooq 3
habaqqooq kee duaa
1zail men habaqqooq nabee kee dua hai. isay ‘shigiyoonot’ kay tarz par gaana hai.
2ai rabb, main nay tera paighaam suna hai. ai rabb, tera kaam dekh kar main dar gaya hoon. hamaaray jeetay jee usay vujood men la, jald hee usay ham par zaahir kar. jab tujhay ham par ghussa aaay to apna rahem yaad kar.
3allaah temaan say a raha hai, quddoos faaraan kay pahaadee ilaaqay say pahunch raha hai. (silaah [a] silaah ghaaliban gaanay bajaanay kay baaray men koee hidaayat hai. mufassireen men is kay matlab kay baaray men ittifaaq-ay-raay naheen hotee. ) us ka jalaal pooray aasmaan par chha gaya hai, zameen us kee hamd-o-sana say bharee huee hai.
4tab us kee shaan sooraj kee tarah chamaktee, us kay haath say tez kirnen nikaltee hain jin men us kee qudrat pinhaan hotee hai.
5muhalak beemaaree us kay aagay aagay phailtee, vabaaee marz us kay naqsh-ay-qadam par chalta hai.
6jahaan bhee qadam uthaaay, vahaan zameen hil jaatee, jahaan bhee nazar daalay vahaan aqvaam laraz uthtee hain. tab qadeem pahaad phat jaatay, puraanee pahaadiyaan dabak jaatee hain. us kee raahen azal say aisee hee rahee hain.
7main nay kooshaan kay khaimon ko museebat men dekha, midiyaan kay tamboo kaamp rahay thay.
8ai rabb, kya too daryaaon aur nadiyon say ghussay tha? kya tera ghazab samundar par naazil hua jab too apnay ghodon aur fatahmand rathon par savaar ho kar nikla?
9too nay apnee kamaan ko nikaal liya, teree laanten teeron kee tarah barasnay lagee hain. (silaah) too zameen ko phaad kar un jagahon par darya bahenay deta hai.
10tujhay dekh kar pahaad kaamp uthtay, mooslaadhaar baarish barasnay lagtee aur paanee kee gaheraaiyaan garajtee huee apnay haath aasmaan kee taraf uthaatee hain.
11sooraj aur chaand apnee buland rihaaishgaah men ruk jaatay hain. teray chamaktay teeron kay saamnay vah maand pad jaatay, teray nezon kee jhilamilaatee raushnee men ojhal ho jaatay hain.
12too ghussay men duniya men say guzarta, taish say deegar aqvaam ko maar kar gaah leta hai.
13too apnee qaum ko riha karnay kay liyay nikla, apnay masah kiay huay khaadim kee madad karnay aaya hai. too nay bedeen ka ghar chhat say lay kar bunyaad tak gira diya, ab kuchh nazar naheen aata. (silaah)
14us kay apnay nezon say too nay us kay sar ko chhed daala. pahelay us kay dastay kitnee khushee say ham par toot paday taaki hamen muntashir karkay museebatzada ko posheedgee men kha saken! lekin ab vah khud bhoosay kee tarah hava men ud gaay hain.
15too nay apnay ghodon say samundar ko yoon kuchal diya ki gahera paanee jhaag nikaalnay laga.
allaah mujhay taqviyat deta hai
16yah sab kuchh sun kar mera jism laraz utha. itna shor tha ki meray daant bajnay lage [b] lafzee tarjuma : hont hilnay lagay. , meree haddiyaan sadnay lageen, meray ghutnay kaamp uthay. ab main us din kay intizaar men rahoonga jab aafat us qaum par aaegee jo ham par hamla kar rahee hai.
17abhee tak komplen anjeer kay darakht par nazar naheen aateen, angoor kee belen bephal hain. abhee tak zaitoon kay darakht phal say maheroom hain aur kheton men faslen naheen ugteen. baadon men na bhed-bakriyaan, na maveshee hain.
18taaham main rabb kee khushee manaaoonga, apnay najaatadihanda allaah kay baais shaadiyaana bajaaoonga.
19rabb qaadir-ay-mutlaq meree quvvat hai. vahee mujhay hirnon kay say tezrau paaon muhayya karta hai, vahee mujhay bulandiyon par say guzarnay deta hai.
darj-ay-baala geet mooseeqee kay raahanuma kay liyay hai. isay meray tarz kay taardaar saazon kay saath gaana hai.