Paidaaish 36
esau kee aulaad
1yah esau kee aulaad ka nasabnaama hai (esau ko adom bhee kaha jaata hai) :
2esau nay teen kan’aanee aurton say shaadee kee : hittee aadmee ailon kee betee ada say, ana kee betee uhaleebaama say jo hivvee aadmee sibaon kee navaasee thee 3aur ismaaeel kee betee baasmat say jo nabaayot kee bahen thee. 4ada ka ek beta ileefaz aur baasmat ka ek beta raooel paida hua. 5uhaleebaama kay teen betay paida huay, yaoos, yaalaam aur qorah. esau kay yah tamaam betay mulk-ay-kan’aan men paida huay.
6baad men esau doosray mulk men chala gaya. us nay apnee beeviyon, betay-betiyon aur ghar kay rahenay vaalon ko apnay tamaam maveshiyon aur mulk-ay-kan’aan men haasil kiay huay maal samet apnay saath liya. 7vah is vajah say chala gaya ki donon bhaaiyon kay paas itnay revad thay ki charaanay kee jagah kam pad gaee. 8chunaanchay esau pahaadee ilaaqay saeer men aabaad hua. esau ka doosra naam adom hai.
9yah esau yaanee saeer kay pahaadee ilaaqay men aabaad adomiyon ka nasabnaama hai : 10esau kee beevee ada ka ek beta ileefaz tha jabki us kee beevee baasmat ka ek beta raooel tha. 11ileefaz kay betay temaan, omar, safo, jaataam, qanaz 12aur amaaleeq thay. amaaleeq ileefaz kee haram timna ka beta tha. yah sab esau kee beevee ada kee aulaad men shaamil thay. 13raooel kay betay nahet, zaarah, samma aur mizza thay. yah sab esau kee beevee baasmat kee aulaad men shaamil thay. 14esau kee beevee uhaleebaama jo ana kee betee aur sibaon kee navaasee thee kay teen betay yaoos, yaalaam aur qorah thay.
15esau say mukhtalif qabeelon kay sardaar niklay. us kay pahelauthay ileefaz say yah qabaailee sardaar niklay : temaan, omar, safo, qanaz, 16qorah, jaataam aur amaaleeq. yah sab esau kee beevee ada kee aulaad thay. 17esau kay betay raooel say yah qabaailee sardaar niklay : nahet, zaarah, samma aur mizza. yah sab esau kee beevee baasmat kee aulaad thay. 18esau kee beevee uhaleebaama yaanee ana kee betee say yah qabaailee sardaar niklay : yaoos, yaalaam aur qorah. 19yah tamaam sardaar esau kee aulaad hain.
saeer kee aulaad
20mulk-ay-adom kay kuchh baashinday horee aadmee saeer kee aulaad thay. un kay naam lotaan, sobal, sibaon, ana, 21deeson, esar aur deesaan thay. saeer kay yah betay mulk-ay-adom men horee qabeelon kay sardaar thay.
22lotaan horee aur hemaam ka baap tha. (timna lotaan kee bahen thee.) 23sobal kay betay alvaan, maanahet, aibaal, safo aur onaam thay. 24sibaon kay betay ayyaah aur ana thay. isee ana ko garm chashmay milay jab vah biyaabaan men apnay baap kay gadhay chara raha tha. 25ana ka ek beta deeson aur ek betee uhaleebaama thee. 26deeson kay chaar betay hamdaan, ishbaan, yitraan aur kiraan thay. 27esar kay teen betay bilhaan, zaavaan aur aqaan thay. 28deesaan kay do betay ooz aur araan thay.
29-30 yahee yaanee lotaan, sobal, sibaon, ana, deeson, esar aur deesaan saeer kay mulk men horee qabaail kay sardaar thay.
adom kay baadshaah
31is say pahelay ki israaeeliyon ka koee baadshaah tha zail kay baadshaah yakay baad deegray mulk-ay-adom men hukoomat kartay thay :
32baala bin baor jo dinhaaba shaher ka tha mulk-ay-adom ka pahela baadshaah tha.
33us kee maut par yoobaab bin zaarah jo busra shaher ka tha.
34us kee maut par hushaam jo temaaniyon kay mulk ka tha.
35us kee maut par hadad bin bidad jis nay mulk-ay-moaab men midiyaaniyon ko shikast dee. vah aveet ka tha.
36us kee maut par samla jo masriqa ka tha.
37us kee maut par saaool jo darya-ay-furaat par rahobot shaher ka tha.
38us kee maut par baal-hanaan bin akbor.
39us kee maut par hadad jo faaoo shaher ka tha (beevee ka naam mahetab-el bint matrid bint mezaahaab tha).
40-43 esau say adomee qabeelon kay yah sardaar niklay : timna, alvah, yatet, uhaleebaama, aila, feenon, qanaz, temaan, mibsaar, majadeeel aur iraam. adom kay sardaaron kee yah faherist un kee mauroosee zameen kee aabaadiyon aur qabeelon kay mutaabiq hee bayaan kee gaee hai. esau un ka baap hai.