Paidaaish 10
nooh kee aulaad
1yah nooh kay beton sim, haam aur yaafat ka nasabnaama hai. un kay betay sailaab kay baad paida huay.
yaafat kee nasal
2yaafat kay betay jumar, maajooj, maadee, yaavaan, toobal, masak aur teeraas thay. 3jumar kay betay ashkanaaz, reefat aur tujarma thay. 4yaavaan kay betay ileesa aur tarsees thay. kittee aur dodaanee bhee us kee aulaad hain. 5vah un qaumon kay aaba-o-ajdaad hain jo saahilee ilaaqon aur jazeeron men phail gaeen. yah yaafat kee aulaad hain jo apnay apnay qabeelay aur mulk men rahetay huay apnee apnee zabaan boltay hain.
haam kee nasal
6haam kay betay koosh, misr, foot aur kan’aan thay. 7koosh kay betay siba, haveela, sabta, raama aur sabtka thay. raama kay betay saba aur dadaan thay.
8koosh ka ek aur beta banaam namrood tha. vah duniya men pahela zabardast haakim tha. 9rabb kay nazdeek vah zabardast shikaaree tha. is liyay aaj bhee kisee achchhay shikaaree kay baaray men kaha jaata hai, “vah namrood kee maanind hai jo rabb kay nazdeek zabardast shikaaree tha.” 10us kee saltanat kay pahelay markaz mulk-ay-sin’aar men baabal, arak, akkaad aur kalna kay shaher thay. 11us mulk say nikal kar vah asoor chala gaya jahaan us nay neenva, rahobot-eer, kalah 12aur rasan kay shaher taameer kiay. bada shaher rasan neenva aur kalah kay darmiyaan vaaqay hai.
13misr in qaumon ka baap tha : loodee, anaamee, lihaabee, naftoohee, 14fatroosee, kasloohee (jin say filistee niklay) aur kaftooree.
15kan’aan ka pahelautha saida tha. kan’aan zail kee qaumon ka baap bhee tha : hittee 16yaboosee, amoree, jirjaasee, 17hivvee, arqee, seenee, 18arvaadee, samaaree aur hamaatee. baad men kan’aanee qabeelay itnay phail gae 19ki un kee hudood shimaal men saida say junoob kee taraf jiraar say ho kar ghazza tak aur vahaan say mashriq kee taraf sadoom, amoora, adma aur zaboeem say ho kar lasa tak theen.
20yah sab haam kee aulaad hain, jo un kay apnay apnay qabeelay, apnee apnee zabaan, apnay apnay mulk aur apnee apnee qaum kay mutaabiq darj hain.
sim kee nasal
21sim yaafat ka bada bhaaee tha. us kay bhee betay paida huay. sim tamaam banee ibar ka baap hai.
22sim kay betay ailaam, asoor, arfaksad, lood aur araam thay.
23araam kay betay ooz, hool, jatar aur mas thay.
24arfaksad ka beta silah aur silah ka beta ibar tha.
25ibar kay haan do betay paida huay. ek ka naam falaj yaanee taqseem tha, kyoonki un ayyaam men duniya taqseem huee. falaj kay bhaaee ka naam yuqtaan tha.
26yuqtaan kay betay almoodaad, salaf, hasaramaavat, iraakh, 27hadooraam, oozaal, diqla, 28oobaal, abeemaael, saba, 29ofeer, haveela aur yoobaab thay. yah sab yuqtaan kay betay thay. 30vah mesa say lay kar safaar aur mashriqee pahaadee ilaaqay tak aabaad thay.
31yah sab sim kee aulaad hain, jo apnay apnay qabeelay, apnee apnee zabaan, apnay apnay mulk aur apnee apnee qaum kay mutaabiq darj hain.
32yah sab nooh kay beton kay qabeelay hain, jo apnee naslon aur qaumon kay mutaabiq darj kiay gaay hain. sailaab kay baad tamaam qaumen in hee say nikal kar roo-ay-zameen par phail gaeen.