Hizqeeel 45
israaeel men rabb ka hissaa
1jab tum mulk ko qur’a daal kar qabeelon men taqseem karogay to ek hissay ko rabb kay liyay makhsoos karna hai. us zameen kee lambaaee saadhay 12 kilomeetar aur chaudaaee 10 kilomeetar hogee. pooree zameen muqaddas hogee.
2is khittay men ek plaat rabb kay ghar kay liyay makhsoos hoga. us kee lambaaee bhee 875 fut hogee aur us kee chaudaaee bhee. us kay ird-gird khulee jagah hogee jis kee chaudaaee saadhay 87 fut hogee. 3khittay ka aadha hissa alag kiya jaaay. us kee lambaaee saadhay 12 kilomeetar aur chaudaaee 5 kilomeetar hogee, aur us men maqdis yaanee muqaddastareen jagah hogee. 4yah khitta mulk ka muqaddas ilaaqa hoga. vah un imaamon kay liyay makhsoos hoga jo maqdis men us kee khidmat kartay hain. us men un kay ghar aur maqdis ka makhsoos plaat hoga.
5khittay ka doosra hissa un baaqee laaviyon ko diya jaaega jo rabb kay ghar men khidmat karengay. yah un kee milkiyat hogee, aur us men vah apnee aabaadiyaan bana sakengay. us kee lambaaee aur chaudaaee pahelay hissay kay baraabar hogee.
6muqaddas khittay say mulhiq ek aur khitta hoga jis kee lambaaee saadhay 12 kilomeetar aur chaudaaee dhaaee kilomeetar hogee. yah ek aisay shaher kay liyay makhsoos hoga jis men koee bhee israaeelee rah sakega.
hukmaraan kay liyay zameen
7hukmaraan kay liyay bhee zameen alag karnee hai. yah zameen muqaddas khittay kee mashriqee hadd say lay kar mulk kee mashriqee sarhadd tak aur muqaddas khittay kee maghribee hadd say lay kar samundar tak hogee. chunaanchay mashriq say maghrib tak muqaddas khittay aur hukmaraan kay ilaaqay ka mil mila kar faasila utna hai jitna qabaailee ilaaqon ka hai. 8yah ilaaqa mulk-ay-israaeel men hukmaraan ka hissa hoga. phir vah aainda meree qaum par zulm naheen karega balki mulk kay baaqee hissay ko israaeel kay qabeelon par chhodega.
hukmaraan kay liyay hidaayaat
9rabb qaadir-ay-mutlaq farmaata hai ki ai israaeelee hukmraano, ab bas karo! apnee ghalat harkaton say baaz aao. apna zulm-o-tashaddud chhod kar insaaf aur raastbaazee qaaim karo. meree qaum ko us kee mauroosee zameen say bhagaanay say baaz aao. yah rabb qaadir-ay-mutlaq ka farmaan hai.
10saheeh taraazoo istemaal karo, tumhaaray baat aur paimaaish kay aalaat ghalat na hon. 11ghalla naapnay ka bartan banaam aifa maaay naapnay kay bartan banaam bat jitna bada ho. donon kay liyay kasautee khomar hai. ek khomar 10 aifa aur 10 bat kay baraabar hai. 12tumhaaray baat yoon hon ki 20 jeerah 1 misqaal kay baraabar aur 60 misqaal 1 maana kay baraabar hon.
13darj-ay-zail tumhaaray baaqaaida hadiay hain :
anaaj : tumhaaree fasal ka 60vaan hissa,
jau : tumhaaree fasal ka 60vaan hissa,
14zaitoon ka tel : tumhaaree fasal ka 100vaan hissa (tel ko bat kay hisaab say naapna hai. 10 bat 1 khomar aur 1 kor kay baraabar hai.),
15200 bhed-bakriyon men say ek.
yah cheezen ghalla kee nazron kay liyay, bhasm honay vaalee qurbaaniyon aur salaamatee kee qurbaaniyon kay liyay muqarrar hain. un say qaum ka kaffaara diya jaaega. yah rabb qaadir-ay-mutlaq ka farmaan hai.
16laazim hai ki tamaam israaeelee yah hadiay mulk kay hukmaraan kay havaalay karen. 17hukmaraan ka farz hoga ki vah naay chaand kee eedon, sabat kay dinon aur deegar eedon par tamaam israaeelee qaum kay liyay qurbaaniyaan muhayya karay. in men bhasm honay vaalee qurbaaniyaan, gunaah aur salaamatee kee qurbaaniyaan aur ghalla aur mai kee nazren shaamil hongee. yoon vah israaeel ka kaffaara dega.
badee eedon par qurbaaniyaan
18rabb qaadir-ay-mutlaq farmaata hai ki pahelay maheene [a] maarch ta aprail. kay pahelay din ko ek beaib bail ko qurbaan karkay maqdis ko paak-saaf kar. 19imaam bail ka khoon lay kar usay rabb kay ghar kay darvaazon kay baazooon, qurbaangaah kay darmiyaanee hissay kay konon aur androonee sahen men pahunchaanay vaalay darvaazon kay baazooon par laga day. 20yahee amal pahelay maheenay kay saatven din bhee kar taaki un sab ka kaffaara diya jaaay jinhon nay ghairiraadee taur par ya bekhabree say gunaah kiya ho. yoon tum rabb kay ghar ka kaffaara dogay.
21pahelay maheenay kay chaudhven din fasah kee eed ka aaghaaz ho. usay saat din manaao, aur us kay dauraan sirf bekhameeree rotee khaao. 22pahelay din mulk ka hukmaraan apnay aur tamaam qaum kay liyay gunaah kee qurbaanee kay taur par ek bail pesh karay. 23neez, vah eed kay saat din kay dauraan rozaana saat beaib bail aur saat mendhay bhasm honay vaalee qurbaanee kay taur par qurbaan karay aur gunaah kee qurbaanee kay taur par ek ek bakra pesh karay. 24vah har bail aur har mendhay kay saath saath ghalla kee nazar bhee pesh karay. is kay liyay vah fee jaanvar 16 kilograam maida aur 4 litar tel muhayya karay.
25saatven maheene [b] sitambar ta aktoobar. kay pandraheven din jhompadiyon kee eed shuroo hotee hai. hukmaraan is eed par bhee saat din kay dauraan vahee qurbaaniyaan pesh karay jo fasah kee eed kay liyay darkaar hain yaanee gunaah kee qurbaaniyaan, bhasm honay vaalee qurbaaniyaan, ghalla kee nazren aur tel.