Hizqeeel 20
israaeel kee musalsal bevafaaee
1yahoodaah kay baadshaah yahooyaakeen kee jilaavatanee kay saatven saal men israaeelee qaum kay kuchh buzurg meray paas aaay taaki rabb say kuchh darayaaft karen. paanchven maheenay ka dasvaan din [a] 14 agast. tha. vah meray saamnay baith gaay. 2tab rabb mujh say hamkalaam hua, 3“ai aadamzaad, israaeel kay buzurgon ko bata,
‘rabb qaadir-ay-mutlaq farmaata hai ki kya tum mujh say darayaaft karnay aaay ho? meree hayaat kee qasam, main tumhen koee javaab naheen doonga! yah rabb qaadir-ay-mutlaq ka farmaan hai.’
4ai aadamzaad, kya too un kee adaalat karnay kay liyay tayyaar hai? phir un kee adaalat kar! unhen un kay baapdaada kee qaabil-ay-ghin harkaton ka ihsaas dila. 5unhen bata, ‘rabb qaadir-ay-mutlaq farmaata hai ki israaeelee qaum ko chuntay vaqt main nay apna haath utha kar us say qasam khaaee. mulk-ay-misr men hee main nay apnay aap ko un par zaahir kiya aur qasam kha kar kaha ki main rabb tumhaara khuda hoon. 6yah mera atal vaada hai ki main tumhen misr say nikaal kar ek mulk men pahuncha doonga jis ka jaaiza main tumhaaree khaatir lay chuka hoon. yah mulk deegar tamaam mamaalik say kaheen ziyaada khoobsoorat hai, aur is men doodh aur shahed kee kasrat hai. 7us vaqt main nay israaeeliyon say kaha, “har ek apnay ghinaunay buton ko phaink day! misr kay devtaaon say liptay na raho, kyoonki un say tum apnay aap ko naapaak kar rahay ho. main rabb tumhaara khuda hoon.”
8lekin vah mujh say baaghee huay aur meree sunnay kay liyay tayyaar na thay. kisee nay bhee apnay buton ko na phainka balki vah in ghinaunee cheezon say liptay rahay aur misree devtaaon ko tark na kiya. yah dekh kar main vaheen misr men apna ghazab un par naazil karna chaahata tha. usee vaqt main apna ghussa un par utaarna chaahata tha. 9lekin main baaz raha, kyoonki main naheen chaahata tha ki jin aqvaam kay darmiyaan israaeelee rahetay thay un kay saamnay meray naam kee behuramtee ho jaaay. kyoonki un qaumon kee maujoodgee men hee main nay apnay aap ko israaeeliyon par zaahir karkay vaada kiya tha ki main tumhen misr say nikaal laaoonga.
10chunaanchay main unhen misr say nikaal kar registaan men laaya. 11vahaan main nay unhen apnee hidaayaat deen, vah ahkaam jin kee pairvee karnay say insaan jeeta raheta hai. 12main nay unhen sabat ka din bhee ata kiya. main chaahata tha ki aaraam ka yah din meray un kay saath ahd ka nishaan ho, ki is say log jaan len ki main rabb hee unhen muqaddas banaata hoon.
13lekin registaan men bhee israaeelee mujh say baaghee huay. unhon nay meree hidaayaat kay mutaabiq zindagee na guzaaree balki meray ahkaam ko mustarad kar diya, haalaanki insaan un kee pairvee karnay say hee jeeta raheta hai. unhon nay sabat kee bhee badee behuramtee kee. yah dekh kar main apna ghazab un par naazil karkay unhen vaheen registaan men halaak karna chaahata tha. 14taaham main baaz raha, kyoonki main naheen chaahata tha ki un aqvaam kay saamnay meray naam kee behuramtee ho jaaay jin kay dekhtay dekhtay main israaeeliyon ko misr say nikaal laaya tha. 15chunaanchay main nay yah karnay kay bajaay apna haath utha kar qasam khaaee, “main tumhen us mulk men naheen lay jaaoonga jo main nay tumhaaray liyay muqarrar kiya tha, haalaanki us men doodh aur shahed kee kasrat hai aur vah deegar tamaam mamaalik kee nisbat kaheen ziyaada khoobsoorat hai. 16kyoonki tum nay meree hidaayaat ko radd karkay meray ahkaam kay mutaabiq zindagee na guzaaree balki sabat kay din kee bhee behuramtee kee. abhee tak tumhaaray dil buton say liptay rahetay hain.”
17lekin ek baar phir main nay un par taras khaaya. na main nay unhen tabaah kiya, na pooree qaum ko registaan men mita diya. 18registaan men hee main nay un kay beton ko aagaah kiya, “apnay baapdaada kay qavaaid kay mutaabiq zindagee mat guzaarna. na un kay ahkaam par amal karo, na un kay buton kee pooja say apnay aap ko naapaak karo. 19main rabb tumhaara khuda hoon. meree hidaayaat kay mutaabiq zindagee guzaaro aur ehatiyaat say meray ahkaam par amal karo. 20meray sabat kay din aaraam karkay unhen muqaddas maano taaki vah meray saath bandhay huay ahd ka nishaan rahen. tab tum jaan logay ki main rabb tumhaara khuda hoon.”
21lekin yah bachchay bhee mujh say baaghee huay. na unhon nay meree hidaayaat kay mutaabiq zindagee guzaaree, na ehatiyaat say meray ahkaam par amal kiya, haalaanki insaan un kee pairvee karnay say hee jeeta raheta hai. unhon nay meray sabat kay dinon kee bhee behuramtee kee. yah dekh kar main apna ghussa un par naazil karkay unhen vaheen registaan men tabaah karna chaahata tha. 22lekin ek baar phir main apnay haath ko rok kar baaz raha, kyoonki main naheen chaahata tha ki un aqvaam kay saamnay meray naam kee behuramtee ho jaaay jin kay dekhtay dekhtay main israaeeliyon ko misr say nikaal laaya tha. 23chunaanchay main nay yah karnay kay bajaay apna haath utha kar qasam khaaee, “main tumhen deegar aqvaam-o-mamaalik men muntashir karoonga, 24kyoonki tum nay meray ahkaam kee pairvee naheen kee balki meree hidaayaat ko radd kar diya. go main nay sabat ka din maannay ka hukm diya tha to bhee tum nay aaraam kay is din kee behuramtee kee. aur yah bhee kaafee naheen tha balki tum apnay baapdaada kay buton kay bhee peechhay lagay rahay.”
25tab main nay unhen aisay ahkaam diay jo achchhay naheen thay, aisee hidaayaat jo insaan ko jeenay naheen deteen. 26neez, main nay honay diya ki vah apnay pahelauthon ko qurbaan karkay apnay aap ko naapaak karen. maqsad yah tha ki un kay rongtay khaday ho jaaen aur vah jaan len ki main hee rabb hoon.’
27chunaanchay ai aadamzaad, israaeelee qaum ko bata, ‘rabb qaadir-ay-mutlaq farmaata hai ki tumhaaray baapdaada nay is men bhee meree takfeer kee ki vah mujh say bevafa huay. 28main nay to un say mulk-ay-israaeel denay kee qasam kha kar vaada kiya tha. lekin joon hee main unhen us men laaya to jahaan bhee koee oonchee jagah ya saayaadaar darakht nazar aaya vahaan vah apnay jaanvaron ko zabah karnay, taish dilaanay vaalee qurbaaniyaan chadhaanay, khushboodaar bakhoor jalaanay aur mai kee nazren pesh karnay lagay. 29main nay un ka saamna karkay kaha, “yah kis tarah kee oonchee jagahen hain jahaan tum jaatay ho?” aaj tak yah qurbaangaahen oonchee jagahen kahelaatee hain.’
30ai aadamzaad, israaeelee qaum ko bata, ‘rabb qaadir-ay-mutlaq farmaata hai ki kya tum apnay baapdaada kee harkaten apna kar apnay aap ko naapaak karna chaahatay ho? kya tum bhee un kay ghinaunay buton kay peechhay lag kar zina karna chaahatay ho? 31kyoonki apnay nazraanay pesh karnay aur apnay bachchon ko qurbaan karnay say tum apnay aap ko apnay buton say aalooda kartay ho. ai israaeelee qaum, aaj tak yahee tumhaara ravayya hai! to phir main kya karoon? kya mujhay tumhen javaab dena chaahiay jab tum mujh say kuchh darayaaft karnay kay liyay aatay ho? hargiz naheen! meree hayaat kee qasam, main tumhen javaab men kuchh naheen bataaoonga. yah rabb qaadir-ay-mutlaq ka farmaan hai.
allaah apnee qaum ko vaapas laaegaa
32tum kahetay ho, “ham deegar qaumon kee maanind hona chaahatay, duniya kay doosray mamaalik kee tarah lakdee aur patthar kee cheezon kee ibaadat karna chaahatay hain.” go yah khayaal tumhaaray zahenon men ubhar aaya hai, lekin aisa kabhee naheen hoga. 33rabb qaadir-ay-mutlaq farmaata hai ki meree hayaat kee qasam, main baday ghussay aur zordaar tareeqay say apnee qudrat ka izhaar karkay tum par hukoomat karoonga. 34main baday ghussay aur zordaar tareeqay say apnee qudrat ka izhaar karkay tumhen un qaumon aur mamaalik say nikaal kar jama karoonga jahaan tum muntashir ho gaay ho. 35tab main tumhen aqvaam kay registaan men la kar tumhaaray roo-ba-roo tumhaaree adaalat karoonga. 36jis tarah main nay tumhaaray baapdaada kee adaalat misr kay registaan men kee usee tarah tumhaaree bhee adaalat karoonga. yah rabb qaadir-ay-mutlaq ka farmaan hai. 37jis tarah gallaabaan bhed-bakriyon ko apnee laathee kay neechay say guzarnay deta hai taaki unhen gin lay usee tarah main tumhen apnee laathee kay neechay say guzarnay doonga aur tumhen ahd kay bandhan men shareek karoonga. 38jo bevafa ho kar mujh say baaghee ho gaay hain unhen main tum say door kar doonga taaki tum paak ho jaao. agarchi main unhen bhee un deegar mamaalik say nikaal laaoonga jin men vah rah rahay hain to bhee vah mulk-ay-israaeel men daakhil naheen hongay. tab tum jaan logay ki main hee rabb hoon.
39ai israaeelee qaum, tumhaaray baaray men rabb qaadir-ay-mutlaq farmaata hai ki jaao, har ek apnay buton kee ibaadat karta jaaay! lekin ek vaqt aaega jab tum zaroor meree sunogay, jab tum apnee qurbaaniyon aur buton kee pooja say meray muqaddas naam kee behuramtee naheen karogay.
40kyoonki rabb farmaata hai ki aainda pooree israaeelee qaum meray muqaddas pahaad yaanee israaeel kay buland pahaad siyyoon par meree khidmat karegee. vahaan main khushee say unhen qabool karoonga, aur vahaan main tumhaaree qurbaaniyaan, tumhaaray pahelay phal aur tumhaaray tamaam muqaddas hadiay talab karoonga. 41meray tumhen un aqvaam aur mamaalik say nikaal kar jama karnay kay baad jin men tum muntashir ho gaay ho tum israaeel men mujhay qurbaaniyaan pesh karogay, aur main un kee khushboo soongh kar khushee say tumhen qabool karoonga. yoon main tumhaaray zareeay deegar aqvaam par zaahir karoonga ki main quddoos khuda hoon. 42tab jab main tumhen mulk-ay-israaeel yaanee us mulk men laaoonga jis ka vaada main nay qasam kha kar tumhaaray baapdaada say kiya tha to tum jaan logay ki main hee rabb hoon. 43vahaan tumhen apna vah chaal-chalan aur apnee vah harkaten yaad aaengee jin say tum nay apnay aap ko naapaak kar diya tha, aur tum apnay tamaam buray aamaal kay baais apnay aap say ghin khaaogay. 44ai israaeelee qaum, tum jaan logay ki main rabb hoon jab main apnay naam kee khaatir narmee say tum say pesh aaoonga, haalaanki tum apnay buray sulook aur tabaahakun harkaton kee vajah say sakht saza kay laaiq thay. yah rabb qaadir-ay-mutlaq ka farmaan hai’.”
jangal men aag lagnay kee tamseel
45rabb mujh say hamkalaam hua, 46“ai aadamzaad, junoob kee taraf rukh karkay us kay khilaaf nubuvvat kar! dasht-ay-najab kay jangal kay khilaaf nubuvvat karke 47usay bata, ‘rabb qaadir-ay-mutlaq farmaata hai ki main tujh men aisee aag lagaanay vaala hoon jo teray tamaam darakhton ko bhasm karegee, khwaah vah haray-bharay ya sookhay huay hon. is aag kay bhadaktay sholay naheen bujhengay balki junoob say lay kar shimaal tak har chiharay ko jhulsa dengay. 48har ek ko nazar aaega ki yah aag meray, rabb kay haath nay lagaaee hai. yah bujhegee naheen’.”
49yah sun kar main bola, “ai qaadir-ay-mutlaq, yah bataanay ka kya faaida hai? log pahelay say meray baaray men kahetay hain ki yah hamesha naaqaabil-ay-samajh tamseelen pesh karta hai.”