Ḵẖurooj 31
bazaleeel aur uhaliyaab
1phir rabb nay moosa say kaha, 2“main nay yahoodaah kay qabeelay kay bazaleeel bin ooree bin hoor ko chun liya hai taaki vah muqaddas khaimay kee taameer men raahanumaaee karay. 3main nay usay ilaahee rooh say maamoor karkay hikmat, samajh aur taameer kay har kaam kay liyay darkaar ilm day diya hai. 4vah naqshay bana kar un kay mutaabiq sonay, chaandee aur peetal kee cheezen bana sakta hai. 5vah javaahir ko kaat kar jadnay kee qaabiliyat rakhta hai. vah lakdee ko taraash kar us say mukhtalif cheezen bana sakta hai. vah bahut saaray aur kaamon men bhee mahaarat rakhta hai.
6saath hee main nay daan kay qabeelay kay uhaliyaab bin akheesamak ko muqarrar kiya hai taaki vah har kaam men us kee madad karay. is kay ilaava main nay tamaam samajhdaar kaareegaron ko mahaarat dee hai taaki vah sab kuchh un hidaayaat kay mutaabiq bana saken jo main nay tujhay dee hain. 7yaanee mulaaqaat ka khaima, kaffaaray kay dhaknay samet ahd ka sandooq aur khaimay ka saara doosra saamaan, 8mez aur us ka saamaan, khaalis sonay ka shamaadaan aur us ka saamaan, bakhoor jalaanay kee qurbaangaah, 9jaanvaron ko chadhaanay kee qurbaangaah aur us ka saamaan, dhonay ka hauz us dhaanchay samet jis par vah rakha jaata hai, 10vah libaas jo haaroon aur us kay betay maqdis men khidmat karnay kay liyay pahentay hain, 11masah ka tel aur maqdis kay liyay khushboodaar bakhoor. yah sab kuchh vah vaisay hee banaaen jaisay main nay tujhay hukm diya hai.”
sabat yaanee haftay ka din
12rabb nay moosa say kaha, 13“israaeeliyon ko bata ki har sabat ka din zaroor manaao. kyoonki sabat ka din ek numaayaan nishaan hai jis say jaan liya jaaega ki main rabb hoon jo tumhen makhsoos-o-muqaddas karta hoon. aur yah nishaan meray aur tumhaaray darmiyaan nasal-dar-nasal qaaim rahega. 14sabat ka din zaroor manaana, kyoonki vah tumhaaray liyay makhsoos-o-muqaddas hai. jo bhee us kee behuramtee karay vah zaroor jaan say maara jaaay. jo bhee is din kaam karay usay us kee qaum men say mitaaya jaaay. 15chhah din kaam karna, lekin saatvaan din aaraam ka din hai. vah rabb kay liyay makhsoos-o-muqaddas hai.
16israaeeliyon ko haal men aur mustaqbil men sabat ka din abdee ahd samajh kar manaana hai. 17vah meray aur israaeeliyon kay darmiyaan abdee nishaan hoga. kyoonki rabb nay chhah din kay dauraan aasmaan-o-zameen ko banaaya jabki saatven din us nay aaraam kiya aur taazaadam ho gaya.”
rabb shareeat kee takhtiyaan deta hai
18yah sab kuchh moosa ko bataanay kay baad rabb nay usay seena pahaad par shareeat kee do takhtiyaan deen. allaah nay khud patthar kee in takhtiyon par tamaam baaten likhee theen.