Vaaiz 8
1kaun daanishmand kee maanind hai? kaun baaton kee saheeh tashreeh karnay ka ilm rakhta hai? hikmat insaan ka chihara raushan aur us kay munh ka sakht andaaz narm kar detee hai.
hukmaraan ka ikhtiyaar
2main kaheta hoon, baadshaah kay hukm par chal, kyoonki too nay allaah kay saamnay halaf uthaaya hai. 3baadshaah kay huzoor say door honay men jaldbaazee na kar. kisee buray muaamalay men mubtala na ho ja, kyoonki usee kee marzee chaltee hai. 4baadshaah kay farmaan kay peechhay us ka ikhtiyaar hai, is liyay kaun us say poochhay, “too kya kar raha hai?” 5jo us kay hukm par chalay us ka kisee buray muaamalay say vaasta naheen padega, kyoonki daanishmand dil munaasib vaqt aur insaaf kee raah jaanta hai.
6kyoonki har muaamalay kay liyay munaasib vaqt aur insaaf kee raah hotee hai. lekin museebat insaan ko dabaaay rakhtee hai, 7kyoonki vah naheen jaanta ki mustaqbil kaisa hoga. koee usay yah naheen bata sakta hai. 8koee bhee insaan hava ko band rakhnay kay qaabil naheen [a] ek aur mumkina tarjuma : koee bhee insaan apnee jaan ko nikalnay say naheen rok sakta. . isee tarah kisee ko bhee apnee maut ka din muqarrar karnay ka ikhtiyaar naheen. yah utna yaqeenee hai jitna yah ki faujiyon ko jang kay dauraan faarigh naheen kiya jaata aur bedeenee bedeen ko naheen bachaatee.
9main nay yah sab kuchh dekha jab pooray dil say un tamaam baaton par dhyaan diya jo sooraj talay hotee hain, jahaan is vaqt ek aadmee doosray ko nuqsaan pahunchaanay ka ikhtiyaar rakhta hai.
duniya men naainsaafee
10phir main nay dekha ki bedeenon ko izzat kay saath dafnaaya gaya. yah log maqdis kay paas aatay jaatay thay! lekin jo raastbaaz thay un kee yaad shaher men mit gaee. yah bhee baatil hee hai.
11mujrimon ko jaldee say saza naheen dee jaatee, is liyay logon kay dil buray kaam karnay kay mansoobon say bhar jaatay hain. 12gunaahgaar say sau gunaah sarzad hotay hain, to bhee umrraseeda ho jaata hai.
beshak main yah bhee jaanta hoon ki khudaataras logon kee khair hogee, un kee jo allaah kay chiharay say dartay hain. 13bedeen kee khair naheen hogee, kyoonki vah allaah ka khauf naheen maanta. us kee zindagee kay din ziyaada naheen balki saay jaisay aarizee hongay. 14to bhee ek aur baat duniya men pesh aatee hai jo baatil hai, raastbaazon ko vah saza miltee hai jo bedeenon ko milnee chaahiay, aur bedeenon ko vah ajr milta hai jo raastbaazon ko milna chaahiay. yah dekh kar main bola, “yah bhee baatil hee hai.”
15chunaanchay main nay khushee kee taareef kee, kyoonki sooraj talay insaan kay liyay is say behatar kuchh naheen hai ki vah khaaay piay aur khush rahay. phir mehanat-mashaqqat kartay vaqt khushee utnay hee din us kay saath rahegee jitnay allaah nay sooraj talay us kay liyay muqarrar kiay hain.
jo kuchh allaah karta hai vah naaqaabil-ay-fahem hai
16main nay apnee pooree zahenee taaqat is par lagaaee ki hikmat jaan loon aur zameen par insaan kee mehanaton ka muaaina kar loon, aisee mehanaten ki usay din raat neend naheen aatee. 17tab main nay allaah ka saara kaam dekh kar jaan liya ki insaan us tamaam kaam kee tah tak naheen pahunch sakta jo sooraj talay hota hai. khwaah vah us kee kitnee tahqeeq kyoon na karay to bhee vah tah tak naheen pahunch sakta. ho sakta hai koee daanishmand daava karay, “mujhay is kee pooree samajh aaee hai,” lekin aisa naheen hai, vah tah tak naheen pahunch sakta.