Istisna 33
moosa qabeelon ko barkat deta hai
1marnay say peshtar mard-ay-khuda moosa nay israaeeliyon ko barkat day kar 2kaha,
“rabb seena say aaya, saeer [a] adom. say us ka noor un par tuloo hua. vah koh-ay-faaraan say raushnee phaila kar ribbot-qaadis say aaya, vah apnay junoobee ilaaqay say ravaana ho kar un kee khaatir pahaadee dhalaanon kay paas aaya.
3yaqeenan vah qaumon say muhabbat karta hai, tamaam muqaddaseen teray haath men hain. vah teray paaon kay saamnay jhuk kar tujh say hidaayat paatay hain.
4moosa nay hamen shareeat dee yaanee vah cheez jo yaaqoob kee jamaaat kee mauroosee milkiyat hai.
5israaeel kay raahanuma apnay qabeelon samet jama huay to rabb yasooroon [b] israaeel. ka baadshaah ban gaya.
6roobin kee barkat :
roobin mar na jaaay balki jeeta rahay. vah taadaad men badh jaaay.
7yahoodaah kee barkat :
ai rabb, yahoodaah kee pukaar sun kar usay dubaara us kee qaum men shaamil kar. us kay haath us kay liyay laden. mukhaalifon ka saamna kartay vaqt us kee madad kar.
8laavee kee barkat :
teree marzee maaloom karnay kay quraay banaam ooreem aur tummeem teray vafaadaar khaadim laavee kay paas hotay hain. too nay usay massa men aazmaaya aur mareeba men us say lada. 9us nay tera kalaam sambhaal kar tera ahd qaaim rakha, yahaan tak ki us nay na apnay maan-baap ka, na apnay sagay bhaaiyon ya bachchon ka lihaaz kiya.
10vah yaaqoob ko teree hidaayaat aur israaeel ko teree shareeat sikha kar teray saamnay bakhoor aur teree qurbaangaah par bhasm honay vaalee qurbaaniyaan chadhaata hai.
11ai rabb, us kee taaqat ko badha kar us kay haathon ka kaam pasand kar. us kay mukhaalifon kee kamar tod aur us say nafrat rakhnay vaalon ko aisa maar ki aainda kabhee na uthen.
12binyameen kee barkat :
binyameen rabb ko piyaara hai. vah salaamatee say us kay paas raheta hai, kyoonki rabb din raat usay panaah deta hai. binyameen us kee pahaadee dhalaanon kay darmiyaan mahfooz raheta hai.
13yoosuf kee barkat :
rabb us kee zameen ko barkat day. aasmaan say qeemtee os tapkay aur zameen kay neechay say chashmay phoot niklen.
14yoosuf ko sooraj kee behtareen paidaavaar aur har maheenay ka lazeeztareen phal haasil ho.
15usay qadeem pahaadon aur abdee vaadiyon kee behtareen cheezon say navaaza jaaay.
16zameen kay tamaam zakheeray us kay liyay khul jaaen. vah us ko pasand ho jo jaltee huee jhaadee men sukoonat karta tha. yah tamaam barkaten yoosuf kay sar par thaheren, us kay sar par jo apnay bhaaiyon men shahzaada hai.
17yoosuf saand kay pahelauthay jaisa azeem hai, aur us kay seeng janglee bail kay seeng hain jin say vah duniya kee intiha tak sab qaumon ko maarega. ifraaeem kay beshumaar afraad aisay hee hain, manassee kay hazaaron afraad aisay hee hain.
18zabooloon aur ishkaar kee barkat :
ai zabooloon, ghar say nikaltay vaqt khushee mana. ai ishkaar, apnay khaimon men rahetay huay khush ho.
19vah deegar qaumon ko apnay pahaad par aanay kee daavat dengay aur vahaan raastee kee qurbaaniyaan pesh karengay. vah samundar kee kasrat aur samundar kee ret men chhupay huay khazaanon ko jazab kar lengay.
20jad kee barkat :
mubaarak hai vah jo jad ka ilaaqa vasee kar day. jad sherbabar kee tarah dabak kar kisee ka baazoo ya sar phaad daalnay kay liyay tayyaar raheta hai.
21us nay apnay liyay sab say achchhee zameen chun lee, raahanuma ka hissa usee kay liyay mahfooz rakha gaya. jab qaum kay raahanuma jama huay to us nay rabb kee raast marzee pooree kee aur israaeel kay baaray men us kay faislay amal men laaya.
22daan kee barkat :
daan sherbabar ka bachcha hai jo basan say nikal kar chhalaang lagaata hai.
23naftaalee kee barkat :
naftaalee rabb kee manzooree say ser hai, usay us kee pooree barkat haasil hai. vah galeel kee jheel aur us kay junoob ka ilaaqa meeraas men paaega.
24aashar kee barkat :
aashar beton men sab say mubaarak hai. vah apnay bhaaiyon ko pasand ho. us kay paas zaitoon ka itna tel ho ki vah apnay paaon us men dubo sakay.
25teray shaheron kay darvaazon kay kunday lohay aur peetal kay hon, teree taaqat umr bhar qaaim rahay.
26yasooroon kay khuda kee maanind koee naheen hai, jo aasmaan par savaar ho kar, haan apnay jalaal men baadlon par baith kar teree madad karnay kay liyay aata hai.
27azlee khuda teree panaahgaah hai, vah apnay azlee baazoo teray neechay phailaaay rakhta hai. vah dushman ko teray saamnay say bhaga kar usay halaak karnay ko kaheta hai.
28chunaanchay israaeel salaamatee say zindagee guzaarega, yaaqoob ka chashma alag aur mahfooz rahega. us kee zameen anaaj aur angoor kee kasrat paida karegee, aur us kay oopar aasmaan zameen par os padnay dega.
29ai israaeel, too kitna mubaarak hai. kaun teree maanind hai, jisay rabb nay bachaaya hai. vah teree madad kee dhaal aur teree shaan kee talvaar hai. teray dushman shikast kha kar teree khushaamad karengay, aur too un kee kamren paaon talay kuchlega.”