Kulussiyon 4
1maaliko, apnay ghulaamon kay saath munsifaana aur jaaiz sulook karen. aap to jaantay hain ki aasmaan par aap ka bhee maalik hai.
hidaayaat
2dua men lagay rahen. aur dua kartay vaqt shukrguzaaree kay saath jaagtay rahen. 3saath saath hamaaray liyay bhee dua karen taaki allaah hamaaray liyay kalaam sunaanay ka darvaaza kholay aur ham maseeh ka raaz pesh kar saken. aakhir main isee raaz kee vajah say qaid men hoon. 4dua karen ki main isay yoon pesh karoon jis tarah karna chaahiay, ki isay saaf samjha ja sakay.
5jo ab tak eemaan na laaay hon un kay saath daanishamandaana sulook karen. is silsilay men har mauqay say faaida uthaaen. 6aap kee guftagu har vaqt meharbaan ho, aisee ki maza aaay aur aap har ek ko munaasib javaab day saken.
aakhiree salaam-o-duaa
7jahaan tak mera taalluq hai hamaara azeez bhaaee tukhikus aap ko sab kuchh bata dega. vah ek vafaadaar khaadim aur khudaavand men hamkhidmat raha hai. 8main nay usay khaaskar is liyay aap kay paas bhej diya taaki aap ko hamaara haal maaloom ho jaaay aur vah aap kee hausalaaafzaaee karay. 9vah hamaaray vafaadaar aur azeez bhaaee unesimus kay saath aap kay paas a raha hai, vahee jo aap kee jamaaat say hai. donon aap ko vah sab kuchh suna dengay jo yahaan ho raha hai.
10aristarkhus jo meray saath qaid men hai aap ko salaam kaheta hai aur isee tarah barnabaas ka kazan [a] yoonaanee lafz say zaahir naheen hota ki marqus chacha, maamoon, phoophee ya khaala ka ladka hai. marqus bhee. (aap ko us kay baaray men hidaayaat dee gaee hain. jab vah aap kay paas aaay to usay khush’aamadeed kahena.) 11eesa jo yoostus kahelaata hai bhee aap ko salaam kaheta hai. un men say jo meray saath allaah kee baadshaahee men khidmat kar rahay hain sirf yah teen mard yahoodee hain. aur yah meray liyay tasallee ka baais rahay hain.
12maseeh eesa ka khaadim ipafraas bhee jo aap kee jamaaat say hai salaam kaheta hai. vah har vaqt badee jidd-o-jahd kay saath aap kay liyay dua karta hai. us kee khaas dua yah hai ki aap mazbootee kay saath khaday rahen, ki aap baaligh maseehee ban kar har baat men allaah kee marzee kay mutaabiq chalen. 13main khud is kee tasdeeq kar sakta hoon ki us nay aap kay liyay sakht mehanat kee hai balki laudeekiya aur hiyaraapulis kee jamaaaton kay liyay bhee. 14hamaaray azeez daaktar looqa aur demaas aap ko salaam kahetay hain.
15mera salaam laudeekiya kee jamaaat ko dena aur isee tarah numfaas ko us jamaaat samet jo us kay ghar men jama hotee hai. 16yah padhnay kay baad dhyaan den ki laudeekiya kee jamaaat men bhee yah khat padha jaaay aur aap laudeekiya ka khat bhee padhen. 17arkhippus ko bata dena, khabardaar ki aap vah khidmat takmeel tak pahunchaaen jo aap ko khudaavand men saumpee gaee hai.
18main apnay haath say yah alfaaz likh raha hoon. meree yaanee paulus kee taraf say salaam. meree zanjeeren mat bhoolna! allaah ka fazl aap kay saath hota rahay.