1 Teemuthiyus 5
eemaandaaron say sulook
1buzurg bhaaiyon ko sakhtee say na daantna balki unhen yoon samjhaana jis tarah ki vah aap kay baap hon. isee tarah javaan aadmiyon ko yoon samjhaana jaisay vah aap kay bhaaee hon, 2buzurg bahenon ko yoon jaisay vah aap kee maaen hon aur javaan khavaateen ko tamaam paakeezgee kay saath yoon jaisay vah aap kee bahenen hon.
3un bevaaon kee madad karkay un kee izzat karen jo vaaqaee zarooratmand hain. 4agar kisee beva kay bachchay ya potay-navaasay hon to us kee madad karna un hee ka farz hai. haan, vah seekhen ki khudaataras honay ka pahela farz yah hai ki ham apnay ghar vaalon kee fikr karen aur yoon apnay maan-baap, daada-daadee aur naana-naanee ko vah kuchh vaapas karen jo hamen un say mila hai, kyoonki aisa amal allaah ko pasand hai. 5jo aurat vaaqaee zarooratmand beva aur tanha rah gaee hai vah apnee ummeed allaah par rakh kar din raat apnee iltijaaon aur duaaon men lagee rahetee hai. 6lekin jo beva aish-o-ishrat men zindagee guzaartee hai vah zinda haalat men hee murda hai. 7yah hidaayaat logon tak pahunchaaen taaki un par ilzaam na lagaaya ja sakay. 8kyoonki agar koee apnon aur khaaskar apnay ghar vaalon kee fikr na karay to us nay apnay eemaan ka inkaar kar diya. aisa shakhs ghaireemaandaaron say badtar hai.
9jis beva kee umr 60 saal say kam hai usay bevaaon kee faherist men darj na kiya jaaay. shart yah bhee hai ki jab us ka shauhar zinda tha to vah us kee vafaadaar rahee ho 10aur ki log us kay nek kaamon kee achchhee gavaahee day saken, maslan kya us nay apnay bachchon ko achchhee tarah paala hai? kya us nay mehamaan-navaazee kee aur muqaddaseen kay paaon dho kar un kee khidmat kee hai? kya vah museebat men phansay huon kee madad kartee rahee hai? kya vah har nek kaam kay liyay koshaan rahee hai?
11lekin javaan bevaaen is faherist men shaamil mat karna, kyoonki jab un kee jismaanee khwaahishaat un par ghaalib aatee hain to vah maseeh say door ho kar shaadee karna chaahatee hain. 12yoon vah apna pahela eemaan chhod kar mujrim thahertee hain. 13is kay ilaava vah sust honay aur idhar udhar gharon men phirnay kee aadee ban jaatee hain. na sirf yah balki vah baatoonee bhee ban jaatee hain aur doosron kay muaamalaat men dakhal day kar naamunaasib baaten kartee hain. 14is liyay main chaahata hoon ki javaan bevaaen dubaara shaadee karkay bachchon ko janm den aur apnay gharon ko sambhaalen. phir vah dushman ko badgoee karnay ka mauqa naheen dengee. 15kyoonki baaz to saheeh raah say hat kar iblees kay peechhay lag chukee hain. 16lekin jis eemaandaar aurat kay khaandaan men bevaaen hain us ka farz hai ki vah un kee madad karay taaki vah khuda kee jamaaat kay liyay bojh na banen. varna jamaaat un bevaaon kee saheeh madad naheen kar sakegee jo vaaqaee zarooratmand hain.
17jo buzurg jamaaat ko achchhee tarah sambhaaltay hain unhen dugnee izzat kay laaiq samjha jaae [a] yahaan matlab hai ki un kee izzat khaaskar maalee lihaaz say kee jaaay. . main khaaskar un kee baat kar raha hoon jo paak kalaam sunaanay aur taaleem denay men mehanat-mashaqqat kartay hain. 18kyoonki kalaam-ay-muqaddas farmaata hai, “jab too fasal gaahanay kay liyay us par bail chalnay deta hai to us ka munh baandh kar na rakhna.” yah bhee likha hai, “mazdoor apnee mazdooree ka haqdaar hai.” 19jab kisee buzurg par ilzaam lagaaya jaaay to yah baat sirf is soorat men maanen ki do ya is say ziyaada gavaah is kee tasdeeq karen. 20lekin jinhon nay vaaqaee gunaah kiya ho unhen pooree jamaaat kay saamnay samjhaaen taaki doosray aisee harkaten karnay say dar jaaen.
21allaah aur maseeh eesa aur us kay chuneeda farishton kay saamnay main sanjeedgee say taakeed karta hoon ki in hidaayaat kee yoon pairvee karen ki aap kisee muaamalay say saheeh taur par vaaqif honay say peshtar faisla na karen, na jaanibdaaree ka shikaar ho jaaen. 22jaldee say kisee par haath rakh kar usay kisee khidmat kay liyay makhsoos mat karna, na doosron kay gunaahon men shareek hona. apnay aap ko paak rakhen.
23choonki aap aksar beemaar rahetay hain is liyay apnay meday ka lihaaz karkay na sirf paanee hee piya karen balki saath saath kuchh mai bhee istemaal karen.
24kuchh logon kay gunaah saaf saaf nazar aatay hain, aur vah un say pahelay hee adaalat kay takht kay saamnay a pahunchtay hain. lekin kuchh aisay bhee hain jin kay gunaah goya un kay peechhay chal kar baad men zaahir hotay hain. 25isee tarah kuchh logon kay achchhay kaam saaf nazar aatay hain jabki baaz kay achchhay kaam abhee nazar naheen aatay. lekin yah bhee posheeda naheen rahengay balki kisee vaqt zaahir ho jaaengay.