1 Patras 5
allaah ka gallaa
1ab main aap ko jo jamaaaton kay buzurg hain naseehat karna chaahata hoon. main khud bhee buzurg hoon balki maseeh kay dukhon ka gavaah bhee hoon, aur main aap kay saath us aanay vaalay jalaal men shareek ho jaaoonga jo zaahir ho jaaega. is haisiyat say main aap say apeel karta hoon, 2gallaabaan hotay huay allaah kay us gallay kee dekh-bhaal karen jo aap kay sapurd kiya gaya hai. yah khidmat majbooran na karen balki khushee say, kyoonki yah allaah kee marzee hai. laalach kay baghair pooree lagan say yah khidmat sar’anjaam den. 3jinhen aap kay sapurd kiya gaya hai un par hukoomat mat karna balki gallay kay liyay achchha namoona banen. 4phir jab hamaara sardaar gallaabaan zaahir hoga to aap ko jalaal ka ghairfaanee taaj milega.
5isee tarah laazim hai ki aap jo javaan hain buzurgon kay taabay rahen. sab inkisaaree ka libaas pahen kar ek doosray kee khidmat karen, kyoonki allaah maghrooron ka muqaabla karta lekin farotanon par meharbaanee karta hai. 6chunaanchay allaah kay qaadir haath kay neechay jhuk jaaen taaki vah mauzoon vaqt par aap ko sarfaraaz karay. 7apnee tamaam pareshaaniyaan us par daal den, kyoonki vah aap kee fikr karta hai.
8hoshmand rahen, jaagtay rahen. aap ka dushman iblees garajtay huay sherbabar kee tarah ghoomta phirta aur kisee ko hadap kar lenay kee talaash men raheta hai. 9eemaan men mazboot rah kar us ka muqaabla karen. aap ko to maaloom hai ki pooree duniya men aap kay bhaaee isee qism ka dukh utha rahay hain. 10lekin aap ko ziyaada der kay liyay dukh uthaana naheen padega. kyoonki har tarah kay fazl ka khuda jis nay aap ko maseeh men apnay abdee jalaal men shareek honay kay liyay bulaaya hai vah khud aap ko kaamiliyat tak pahunchaaega, mazboot banaaega, taqviyat dega aur ek thos bunyaad par khada karega. 11abad tak qudrat usee ko haasil rahay. aameen.
aakhiree salaam
12main aap ko yah mukhtasar khat silvaanus kee madad say likh raha hoon jisay main vafaadaar bhaaee samajhta hoon. main is say aap kee hausalaaafzaaee aur is kee tasdeeq karna chaahata hoon ki yahee allaah ka haqeeqee fazl hai. is par qaaim rahen.
13baabal men jo jamaaat allaah nay aap kee tarah chunee hai vah aap ko salaam kahetee hai, aur isee tarah mera beta marqus bhee. 14ek doosray ko muhabbat ka bosa dena.
aap sab kee jo maseeh men hain salaamatee ho.