1 Kurinthiyon 2

paulus kee saada munaadee

¹bhaaiyo, mujh par bhee ghaur karen. jab main aap kay paas aaya to main nay aap ko allaah ka bhed motay motay alfaaz men ya falsafiyaana hikmat ka izhaar kartay huay na sunaaya. ²vajah kya thee? yah ki main nay iraada kar rakha tha ki aap kay darmiyaan hotay huay main eesa maseeh kay siva aur kuchh na jaanoon, khaaskar yah ki usay masloob kiya gaya. ³haan main kamazorahaal, khauf khaatay aur bahut thartharaatay huay aap kay paas aaya. ⁴aur guftagu aur munaadee kartay huay main nay duniyaavee hikmat kay baday zordaar alfaaz kee maarifat aap ko qaail karnay kee koshish na kee, balki rooh-ul-quds aur allaah kee qudrat nay meree baaton kee tasdeeq kee, ⁵taaki aap ka eemaan insaanee hikmat par mabnee na ho balki allaah kee qudrat par.

ghalat aur saheeh daanaaee

⁶daanaaee kee baaten ham us vaqt kartay hain jab kaamil eemaan rakhnay vaalon kay darmiyaan hotay hain. lekin yah daanaaee maujooda jahaan kee naheen aur na is jahaan kay haakimon hee kee hai jo mitnay vaalay hain. ⁷balki ham khuda hee kee daanaaee kee baaten kartay hain jo bhed kee soorat men chhupee rahee hai. allaah nay tamaam zamaanon say peshtar muqarrar kiya hai ki yah daanaaee hamaaray jalaal ka baais banay. ⁸is jahaan kay kisee bhee haakim nay is daanaaee ko na pahechaana, kyoonki agar vah pahechaan letay to phir vah hamaaray jalaalee khudaavand ko masloob na kartay. ⁹daanaaee kay baaray men paak navishtay bhee yahee kahetay hain,

“jo na kisee aankh nay dekha, na kisee kaan nay suna,

aur na insaan kay zahen men aaya,

usay allaah nay un kay liyay tayyaar kar diyaa

jo us say muhabbat rakhtay hain.”

¹⁰lekin allaah nay yahee kuchh apnay rooh kee maarifat ham par zaahir kiya kyoonki us ka rooh har cheez ka khoj lagaata hai, yahaan tak ki allaah kee gaheraaiyon ka bhee. ¹¹insaan kay baatin say kaun vaaqif hai siva-ay-insaan kee rooh kay jo us kay andar hai? isee tarah allaah say taalluq rakhnay vaalee baaton ko koee naheen jaanta siva-ay-allaah kay rooh kay. ¹²aur hamen duniya kee rooh naheen milee balki vah rooh jo allaah kee taraf say hai taaki ham us kee ataakarada baaton ko jaan saken.

¹³yahee kuchh ham bayaan kartay hain, lekin aisay alfaaz men naheen jo insaanee hikmat say hamen sikhaaya gaya balki rooh-ul-quds say. yoon ham ruhaanee haqeeqaton kee tashreeh ruhaanee logon kay liyay kartay hain. ¹⁴jo shakhs ruhaanee naheen hai vah allaah kay rooh kee baaton ko qabool naheen karta kyoonki vah us kay nazdeek bevuqoofee hain. vah unhen pahechaan naheen sakta kyoonki un kee parakh sirf ruhaanee shakhs hee kar sakta hai. ¹⁵vahee har cheez parakh leta hai jabki us kee apnee parakh koee naheen kar sakta. ¹⁶chunaanchay paak kalaam men likha hai,