1۔تواریخ 6

امامِ اعظم کی نسل (لاوی کا قبیلہ)

¹لاوی کے بیٹے جَیرسون، قِہات اور مِراری تھے۔ ²قِہات کے بیٹے عمرام، اِضہار، حبرون اور عُزی ایل تھے۔

³عمرام کے بیٹے ہارون اور موسیٰ تھے۔ بیٹی کا نام مریم تھا۔ ہارون کے بیٹے ندب، ابیہو، اِلی عزر اور اِتمر تھے۔

⁴اِلی عزر کے ہاں فینحاس پیدا ہوا، فینحاس کے ابی سوع، ⁵ابی سوع کے بُقی، بُقی کے عُزّی، ⁶عُزّی کے زرخیاہ، زرخیاہ کے مِرایوت، ⁷مِرایوت کے امریاہ، امریاہ کے اخی طوب، ⁸اخی طوب کے صدوق، صدوق کے اخی معض، ⁹اخی معض کے عزریاہ، عزریاہ کے یوحنان ¹⁰اور یوحنان کے عزریاہ۔ یہی عزریاہ رب کے اُس گھر کا پہلا امامِ اعظم تھا جو سلیمان نے یروشلم میں بنوایا تھا۔ ¹¹اُس کے ہاں امریاہ پیدا ہوا، امریاہ کے اخی طوب، ¹²اخی طوب کے صدوق، صدوق کے سلّوم، ¹³سلّوم کے خِلقیاہ، خِلقیاہ کے عزریاہ، ¹⁴عزریاہ کے سرایاہ اور سرایاہ کے یہوصدق۔ ¹⁵جب رب نے نبوکدنضر کے ہاتھ سے یروشلم اور پورے یہوداہ کے باشندوں کو جلاوطن کر دیا تو یہوصدق بھی اُن میں شامل تھا۔

لاوی کی اولاد

¹⁶لاوی کے تین بیٹے جَیرسوم، قِہات اور مِراری تھے۔ ¹⁷جَیرسوم کے دو بیٹے لِبنی اور سِمعی تھے۔ ¹⁸قِہات کے چار بیٹے عمرام، اِضہار، حبرون اور عُزی ایل تھے۔ ¹⁹مِراری کے دو بیٹے محلی اور مُوشی تھے۔

ذیل میں لاوی کے خاندانوں کی فہرست اُن کے بانیوں کے مطابق درج ہے۔

²⁰جَیرسوم کے ہاں لِبنی پیدا ہوا، لِبنی کے یحت، یحت کے زِمّہ، ²¹زِمّہ کے یوآخ، یوآخ کے عِدّو، عِدّو کے زارح اور زارح کے یتری۔

²²قِہات کے ہاں عمی نداب پیدا ہوا، عمی نداب کے قورح، قورح کے اسّیر، ²³اسّیر کے اِلقانہ، اِلقانہ کے ابی آسف، ابی آسف کے اسّیر، ²⁴اسّیر کے تحت، تحت کے اُوری ایل، اُوری ایل کے عُزیّاہ اور عُزیّاہ کے ساؤل۔ ²⁵اِلقانہ کے بیٹے عماسی، اخی موت ²⁶اور اِلقانہ تھے۔ اِلقانہ کے ہاں ضوفی پیدا ہوا، ضوفی کے نحت، ²⁷نحت کے اِلیاب، اِلیاب کے یروحام، یروحام کے اِلقانہ اور اِلقانہ کے سموایل۔ ²⁸سموایل کا پہلا بیٹا یوایل اور دوسرا ابیاہ تھا۔

²⁹مِراری کے ہاں محلی پیدا ہوا، محلی کے لِبنی، لِبنی کے سِمعی، سِمعی کے عُزّہ، ³⁰عُزّہ کے سِمعا، سِمعا کے حجیاہ اور حجیاہ کے عسایاہ۔

لاوی کی ذمہ داریاں

³¹جب عہد کا صندوق یروشلم میں لایا گیا تاکہ آئندہ وہاں رہے تو داؤد بادشاہ نے کچھ لاویوں کو رب کے گھر میں گیت گانے کی ذمہ داری دی۔ ³²اِس سے پہلے کہ سلیمان نے رب کا گھر بنوایا یہ لوگ اپنی خدمت ملاقات کے خیمے کے سامنے سرانجام دیتے تھے۔ وہ سب کچھ مقررہ ہدایات کے مطابق ادا کرتے تھے۔ ³³ذیل میں اُن کے نام اُن کے بیٹوں کے ناموں سمیت درج ہیں۔

قِہات کے خاندان کا ہیمان پہلا گلوکار تھا۔ اُس کا پورا نام یہ تھا: ہیمان بن یوایل بن سموایل ³⁴بن اِلقانہ بن یروحام بن اِلی ایل بن توخ ³⁵بن صوف بن اِلقانہ بن محت بن عماسی ³⁶بن اِلقانہ بن یوایل بن عزریاہ بن صفنیاہ ³⁷بن تحت بن اسّیر بن ابی آسف بن قورح ³⁸بن اِضہار بن قِہات بن لاوی بن اسرائیل۔

³⁹ہیمان کے دہنے ہاتھ آسف کھڑا ہوتا تھا۔ اُس کا پورا نام یہ تھا: آسف بن برکیاہ بن سِمعا ⁴⁰بن میکائیل بن بعسیاہ بن ملکیاہ ⁴¹بن اتنی بن زارح بن عدایاہ ⁴²بن ایتان بن زِمّہ بن سِمعی ⁴³بن یحت بن جَیرسوم بن لاوی۔

⁴⁴ہیمان کے بائیں ہاتھ ایتان کھڑا ہوتا تھا۔ وہ مِراری کے خاندان کا فرد تھا۔ اُس کا پورا نام یہ تھا: ایتان بن قیسی بن عبدی بن ملّوک ⁴⁵بن حسبیاہ بن اَمصیاہ بن خِلقیاہ ⁴⁶بن امصی بن بانی بن سمر ⁴⁷بن محلی بن مُوشی بن مِراری بن لاوی۔

⁴⁸دوسرے لاویوں کو اللہ کی سکونت گاہ میں باقی ماندہ ذمہ داریاں دی گئی تھیں۔

⁴⁹لیکن صرف ہارون اور اُس کی اولاد بھسم ہونے والی قربانیاں پیش کرتے اور بخور کی قربان گاہ پر بخور جلاتے تھے۔ وہی مُقدّس ترین کمرے میں ہر خدمت سرانجام دیتے تھے۔ اسرائیل کا کفارہ دینا اُن ہی کی ذمہ داری تھی۔ وہ سب کچھ عین اُن ہدایات کے مطابق ادا کرتے تھے جو اللہ کے خادم موسیٰ نے اُنہیں دی تھیں۔

⁵⁰ہارون کے ہاں اِلی عزر پیدا ہوا، اِلی عزر کے فینحاس، فینحاس کے ابی سوع، ⁵¹ابی سوع کے بُقی، بُقی کے عُزّی، عُزّی کے زرخیاہ، ⁵²زرخیاہ کے مِرایوت، مِرایوت کے امریاہ، امریاہ کے اخی طوب، ⁵³اخی طوب کے صدوق، صدوق کے اخی معض۔

لاویوں کی آبادیاں

⁵⁴ذیل میں وہ آبادیاں اور چراگاہیں درج ہیں جو لاویوں کو قرعہ ڈال کر دی گئیں۔

قرعہ ڈالتے وقت پہلے ہارون کے بیٹے قِہات کی اولاد کو جگہیں مل گئیں۔ ⁵⁵اُسے یہوداہ کے قبیلے سے حبرون شہر اُس کی چراگاہوں سمیت مل گیا۔ ⁵⁶لیکن گرد و نواح کے کھیت اور دیہات کالب بن یفُنّہ کو دیئے گئے۔ ⁵⁷حبرون اُن شہروں میں شامل تھا جن میں ہر وہ پناہ لے سکتا تھا جس کے ہاتھوں غیرارادی طور پر کوئی ہلاک ہوا ہو۔ حبرون کے علاوہ ہارون کی اولاد کو ذیل کے مقام اُن کی چراگاہوں سمیت دیئے گئے: لِبناہ، یتیر، اِستموع، ⁵⁸حَولون، دبیر، ⁵⁹عسن، اور بیت شمس۔ ⁶⁰بن یمین کے قبیلے سے اُنہیں جِبعون، جِبع، علمت اور عنتوت اُن کی چراگاہوں سمیت دیئے گئے۔ اِس طرح ہارون کے خاندان کو 13 شہر مل گئے۔

⁶¹قِہات کے باقی خاندانوں کو منسّی کے مغربی حصے کے دس شہر مل گئے۔

⁶²جَیرسوم کی اولاد کو اِشکار، آشر، نفتالی اور منسّی کے قبیلوں کے 13 شہر دیئے گئے۔ یہ منسّی کا وہ علاقہ تھا جو دریائے یردن کے مشرق میں ملکِ بسن میں تھا۔

⁶³مِراری کی اولاد کو روبن، جد اور زبولون کے قبیلوں کے 12 شہر مل گئے۔

^64-65 یوں اسرائیلیوں نے قرعہ ڈال کر لاویوں کو مذکورہ شہر دے دیئے۔ سب یہوداہ، شمعون اور بن یمین کے قبائلی علاقوں میں تھے۔

⁶⁶قِہات کے چند ایک خاندانوں کو افرائیم کے قبیلے سے شہر اُن کی چراگاہوں سمیت مل گئے۔ ⁶⁷اِن میں افرائیم کے پہاڑی علاقے کا شہر سِکم شامل تھا جس میں ہر وہ پناہ لے سکتا تھا جس سے کوئی غیرارادی طور پر ہلاک ہوا ہوتا تھا، پھر جزر، ⁶⁸یُقمعام، بیت حَورون، ⁶⁹ایالون اور جات رِمّون۔ ⁷⁰قِہات کے باقی کنبوں کو منسّی کے مغربی حصے کے دو شہر عانیر اور بلعام اُن کی چراگاہوں سمیت مل گئے۔

⁷¹جَیرسوم کی اولاد کو ذیل کے شہر بھی اُن کی چراگاہوں سمیت مل گئے: منسّی کے مشرقی حصے سے جولان جو بسن میں ہے اور عستارات۔ ⁷²اِشکار کے قبیلے سے قادس، دابرت، ⁷³رامات اور عانیم۔ ⁷⁴آشر کے قبیلے سے مِسال، عبدون، ⁷⁵حقوق اور رحوب۔ ⁷⁶اور نفتالی کے قبیلے سے گلیل کا قادس، حمون اور قِریَتائم۔

⁷⁷مِراری کے باقی خاندانوں کو ذیل کے شہر اُن کی چراگاہوں سمیت مل گئے: زبولون کے قبیلے سے رِمّون اور تبور۔ ^78-79 روبن کے قبیلے سے ریگستان کا بصر، یہض، قدیمات اور مِفعت (یہ شہر دریائے یردن کے مشرق میں یریحو کے مقابل واقع ہیں)۔ ⁸⁰جد کے قبیلے سے جِلعاد کا رامات، محنائم، ⁸¹حسبون اور یعزیر۔