Ġazal-ul-Ġazlāt 7
1ai raīs kī beṭī, jūtoṅ meṅ chalne kā terā andāz kitnā manamohan hai! terī ḵẖushvazā rāneṅ māhir kārīgar ke zevrāt kī mānind haiṅ.
2terī nāf piyālā hai jo mai se kabhī nahīṅ maharūm rahatī. terā jism gandum kā ḍher hai jis kā ihātā sosan ke phūloṅ se kiyā gayā hai.
3terī chhātiyāṅ ġazāl ke juṛvāṅ bacchoṅ kī mānind haiṅ.
4terī gardan hāthīdāṅt kā mīnār, terī āṅkheṅ hasbon shahar ke tālāb haiṅ, vah jo bat-rabbīm ke darvāze ke pās haiṅ. terī nāk mīnār-e-lubnān kī mānind hai jis kā muṅh damishq kī taraf hai.
5terā sar koh-e-karmil kī mānind hai, tere khule bāl arġavān kī tarah qīmtī aur dilkash haiṅ. bādshāh terī zulfoṅ kī zanjīroṅ meṅ jakṛā rahatā hai.
mahbūbā ke liye ārzū
6ai ḵẖushiyoṅ se labrez muhabbat, tū kitnī hasīn, kitnī dilrubā hai!
7terā qad-o-qāmat khajūr ke daraḵẖt sā, terī chhātiyāṅ aṅgūr ke gucchhoṅ jaisī haiṅ.
8maiṅ bolā, “maiṅ khajūr ke daraḵẖt par chaṛh kar us ke phūldār gucchhoṅ [a] ibrānī lafz kā matlab mubham sā hai. par hāth lagāūṅgā.” terī chhātiyāṅ aṅgūr ke gucchhoṅ kī mānind hoṅ, tere sāṅs kī ḵẖushbū seboṅ kī ḵẖushbū jaisī ho.
9terā muṅh behtarīn mai ho, aisī mai jo sīdhī mere mahbūb ke muṅh meṅ jā kar narmī se hoṅṭoṅ aur dāṅtoṅ meṅ se guzar jāe.
mahbūb ke liye ārzū
10maiṅ apne mahbūb kī hī hūṅ, aur vah mujhe chāhatā hai.
11ā, mere mahbūb, ham shahar se nikal kar dīhāt meṅ rāt guzāreṅ.
12ā, ham subah-savere aṅgūr ke bāġoṅ meṅ jā kar mālūm kareṅ ki kyā beloṅ se koṁpleṅ nikal āī haiṅ aur phūl lage haiṅ, ki kyā anār ke daraḵẖt khil rahe haiṅ. vahāṅ maiṅ tujh par apnī muhabbat kā izhār karūṅgī.
13mardumagayāh [b] ek paudā jis ke bāre meṅ sochā jātā thā ki use khā kar bāṅjh aurat bhī bacche ko janm degī. kī ḵẖushbū phail rahī, aur hamāre darvāze par har qism kā lazīz phal hai, naī fasal kā bhī aur guzrī kā bhī. kyūṅki maiṅ ne yah chīzeṅ tere liye, apne mahbūb ke liye mahfūz rakhī haiṅ.