Kulussiyoṅ 4
1māliko, apne ġulāmoṅ ke sāth munsifānā aur jāiz sulūk kareṅ. āp to jānte haiṅ ki āsmān par āp kā bhī mālik hai.
hidāyāt
2duā meṅ lage raheṅ. aur duā karte vaqt shukrguzārī ke sāth jāgte raheṅ. 3sāth sāth hamāre liye bhī duā kareṅ tāki allāh hamāre liye kalām sunāne kā darvāzā khole aur ham masīh kā rāz pesh kar sakeṅ. āḵẖir maiṅ isī rāz kī vajah se qaid meṅ hūṅ. 4duā kareṅ ki maiṅ ise yūṅ pesh karūṅ jis tarah karnā chāhie, ki ise sāf samjhā jā sake.
5jo ab tak īmān na lāe hoṅ un ke sāth dānishamandānā sulūk kareṅ. is silsile meṅ har mauqe se fāidā uṭhāeṅ. 6āp kī guftagu har vaqt meharbān ho, aisī ki mazā āe aur āp har ek ko munāsib javāb de sakeṅ.
āḵẖirī salām-o-duā
7jahāṅ tak merā tālluq hai hamārā azīz bhāī tuḵẖikus āp ko sab kuchh batā degā. vah ek vafādār ḵẖādim aur ḵẖudāvand meṅ hamḵẖidmat rahā hai. 8maiṅ ne use ḵẖāskar is liye āp ke pās bhej diyā tāki āp ko hamārā hāl mālūm ho jāe aur vah āp kī hausalāafzāī kare. 9vah hamāre vafādār aur azīz bhāī unesimus ke sāth āp ke pās ā rahā hai, vahī jo āp kī jamāat se hai. donoṅ āp ko vah sab kuchh sunā deṅge jo yahāṅ ho rahā hai.
10aristarḵẖus jo mere sāth qaid meṅ hai āp ko salām kahatā hai aur isī tarah barnabās kā kazan [a] yūnānī lafz se zāhir nahīṅ hotā ki marqus chachā, māmūṅ, phūphī yā ḵẖālā kā laṛkā hai. marqus bhī. (āp ko us ke bāre meṅ hidāyāt dī gaī haiṅ. jab vah āp ke pās āe to use ḵẖush’āmadīd kahanā.) 11īsā jo yūstus kahalātā hai bhī āp ko salām kahatā hai. un meṅ se jo mere sāth allāh kī bādshāhī meṅ ḵẖidmat kar rahe haiṅ sirf yah tīn mard yahūdī haiṅ. aur yah mere liye tasallī kā bāis rahe haiṅ.
12masīh īsā kā ḵẖādim ipafrās bhī jo āp kī jamāat se hai salām kahatā hai. vah har vaqt baṛī jidd-o-jahd ke sāth āp ke liye duā kartā hai. us kī ḵẖās duā yah hai ki āp mazbūtī ke sāth khaṛe raheṅ, ki āp bāliġ masīhī ban kar har bāt meṅ allāh kī marzī ke mutābiq chaleṅ. 13maiṅ ḵẖud is kī tasdīq kar saktā hūṅ ki us ne āp ke liye saḵẖt mehanat kī hai balki laudīkiyā aur hiyarāpulis kī jamāatoṅ ke liye bhī. 14hamāre azīz ḍākṭar lūqā aur demās āp ko salām kahate haiṅ.
15merā salām laudīkiyā kī jamāat ko denā aur isī tarah numfās ko us jamāat samet jo us ke ghar meṅ jamā hotī hai. 16yah paṛhne ke bād dhyān deṅ ki laudīkiyā kī jamāat meṅ bhī yah ḵẖat paṛhā jāe aur āp laudīkiyā kā ḵẖat bhī paṛheṅ. 17arḵẖippus ko batā denā, ḵẖabardār ki āp vah ḵẖidmat takmīl tak pahuṅchāeṅ jo āp ko ḵẖudāvand meṅ sauṁpī gaī hai.
18maiṅ apne hāth se yah alfāz likh rahā hūṅ. merī yānī paulus kī taraf se salām. merī zanjīreṅ mat bhūlnā! allāh kā fazl āp ke sāth hotā rahe.